Голландаас Францад ирснийхээ дараа нэрт зураач Ван Гог үйлдвэрийн зориулалтын будгаар бүтээлээ туурвиж байсан гэдэг. Түүний зарим нэг зургийн өнгө бүдгэрч эхэлснийг мэргэжилтнүүд ажигласан байна. Музейн үзмэрүүдийг хамгаалах төхөөрөмж хэт ягаан туяа цацруулдаг, үүний нөлөөгөөр зураг бүдгэрч байгааг тэд тогтоожээ.
Будгийн найрлагад орсон химийн бодисууд нар, туяаны үйлчлэлээр урвалд орж, урьд нь байсан өнгө өөрчлөгддөг аж. Мэргэжилтнүүд алдарт зураачийн бүтээлийг гаднын нөлөөнөөс хамгаалах арга замыг хайж байна.
