Өнөөдрийн тухай таны мэдэх ёстой 15 зүйл: "Ажлын байраа хамгаалъя" цахим жагсаал болно

Өнөөдөр гадаа 26 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

5 дүгээр сарын 01-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 121 дахь өдөр бөгөөд он дуусахад 244 хоног үлдлээ.
2. Цаг агаар өдөртөө 26 хэмийн дулаан бол шөнөдөө 1 градус дулаан байх нь ээ. 
3. Билгийн тооллын 7. Сугар гараг. Үнэг одтой, есөн улаан мэнгэтэй хөх луу өдөр. Өдрийн наран 5 цаг 34 минутад мандан, 20 цаг 05 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн.

 Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал нас уртадна хэмээжээ.

4. Манай улсын голлох валют болох ам.долларын ханш 2647.00 төгрөгтэй тэнцэж байгаа бол бусад валют болох рубль 41.40, юань 392.00, вон 2.30 төгрөг байна.

Өнөөдөр болох онцлох үйл явдлууд: 

1. 09.30 цагт Спортын төв ордны гадна талбайд МҮХАҮТ-аас зохион байгуулах "Ажлын байраа хамгаалъя" цахим жагсаалын нээлт болно.
2. 10.00 цагт Төрийн ордонд УИХ-ын чуулган хуралдана.
   
3. 10 цагт СЕХ-ноос УИХ-ын ээлжит сонгуульд оролцох нам, эвслүүдэд доорх хуваарийн дагуу батламж олгоно.
4. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
   

Энэ өдөр дэлхийн түүхэнд: 

1. Олон улсын хөдөлмөрчдийн эв санааны нэгдлийн өдөр тохиож байна.
2. 1990 оны энэ өдөр Германы алдарт хөлбөмбөгч Диего Контенто мэндэлжээ.
   
3. 2011 онд Ромын пап XVI Бенедикт өмнөх пап II Йоан Павелийг гэгээнтнээр өргөмжлөв.
   
4. 2009 онд Швед улс ижил хүйстний гэрлэлтийг хуульчилжээ.
   
5. 2004 онд Кипр, Чех, Эстони, Унгар, Латви, Литви, Мальта, Польш, Словак, Словени улсууд Европын холбоонд нэгэн зэрэг элсэв.
   
6. 2003 онд Иракыг чөлөөлөх ажиллагаа: АНУ-ын Ерөнхийлөгч Жорж В.Буш Иракыг чөлөөлөх ажиллагаа өндөрлөж байгааг зарлажээ.
   
7. 1999 онд хүүхдийн "Никельодион" сувгаар "Спонж Боб" хүүхэлдэйн кино цацагдаж эхэлжээ.