Өнөөдөр гадаа 13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 107 дахь өдөр бөгөөд он дуусахад 258 хоног үлдлээ.
- Цаг агаар өдөртөө 13 хэмийн дулаан бол шөнөдөө 0 градус дулаан байх нь ээ.
- Билгийн тооллын 25. Сугар гараг. Тооно одтой, таван шар мэнгэтэй цагаан бар өдөр. Өдрийн наран 5 цаг 59 минутад мандан, 19 цаг 45 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2787.00 төгрөгтэй тэнцэж байгаа бол бусад валют болох рубль 38.50, юань 394.00, вон 2.28 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд УИХ-ын чуулган хуралдана.
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 11.00 цагт Зэвсэгт хүчний 013 дугаар ангийн эмэгтэйчүүдийн зөвлөлөөс өөрсдийн оёсон амны хаалтаа Цэргийн төв эмнэлэгт хандивлана. Утас: 89031069
- 14.00 цагт ШУА-ийн байранд 2019 оны шилдэг эрдэмтдийг алдаршуулах ёслол болно. Утас: 99717977
“Үндэсний мэдээллийн төв”-д
- 11.30 цагт МАНАН дэглэмийн эсрэг Монгол түмний нэгдэл хөдөлгөөнөөс Хууль шүүхийн байгууллагын шинэчлэлийн асуудлаар мэдээлнэ.
- 12.00 цагт Эдийн засагч Л.Наранбаатар цаг үеийн асуудлаар мэдээлнэ.
Энэ өдөр дэлхийн түүхэнд:
- Өнөөдөр Цусны өвчинтэй тэмцэх дэлхийн өдөр тохиож байна.
- 1972 оны энэ өдөр "Сувдан эрэг", "Чаддаг юм бол намайг барь" киноны од жүжигчин Женнифер Гарнер мэндэлжээ.
- 2014 онд АНУ-ын Сансар судлалын агентлагын хөөргөсөн Кеплер хиймэл дагуул нарны аймгаас хол өөр одны системд дэлхий ижил гараг байгааг илрүүлэв.
- 1982 онд Канад улс үндсэн хуулиараа төрийн тэргүүнээр Хатан хаан II Элизабетыг тодруулав.
- 1946 онд Францын армийн сүүлийн анги нэгтгэл Сири улсаас гарчээ.
- 1907 онд Нью-Йорк хошууны дээд хэсэгт орших Эллис аралд нэг өдрийн дотор 11,747 хүн цагаачлах өргөдлөө өгч түүхэн амжилт тогтоожээ.
- 1895 онд Шимоносекигийн гэрээнд Япон Хятадын тал гарын үсэг зурснаар Хятад-Японы нэгдүгээр дайн өндөрлөв.
