Есдүгээр сарын 05-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 248 дахь өдөр бөгөөд он дуусахад 117 хоног үлдлээ.
- Цаг агаар өдөртөө 9 хэмийн дулаан бол шөнөдөө 8 градус дулаан байх нь ээ.
- Билгийн тооллын 25, нэг цагаан мэнгэтэй цагаан хулгана өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр луу, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2478.00 төгрөгтэй тэнцэж байгаа бол бусад валют болох рубль 37.00, юань 363.80, вон 2.19 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.30 цагаас МАХН-аас УИХ-ын сонгуулийн 42 дугаар тойргийн нөхөн сонгуультай холбоотой асуудлаар мэдээлэл хийнэ.
- Монгол-Япон төвд 09.00-18.00 цагаас хөгжлийн бэрхшээлтэй иргэдийн бие даан амьдрах төв болох "Түгээмэл хөгжил" ТББ "UB TRY" хөдөлгөөнийг зохион байгуулна.
- 14.00 цагт Гадаад харилцааны яаманд "Монгол Улсын Тогтвортой хөгжлийн төлөв" тайлангийн нээлт болно.
- НЗДТГ-ын А танхимд 09.30 цагт НИТХ-ын Тэргүүлэгчид хуралдана. Хуралдаанаар Үндэсний цэцэрлэгт хүрээлэнд хийсэн шалгалтын тухай болон Нийслэлийн худалдаа, үйлчилгээний нийтлэг журам батлах тухай хэлэлцэнэ.
- 10.00-12.00 цагт МХЕГ-ын 2 давхарын хурлын танхимд "Импортын гоо сайхны барааны эрүүл ахуйн хяналт, анхаарах асуудал" сэдвээр импортлогч ААН, улсын байцаагчдад сургалт болно.
Энэ өдөр дэлхийн түүхэнд:
- Өнөөдөр Энэтхэг улсад Багш нарын баярын өдөр тохиож байна.
- 1534 онд Францын судлаач, эрдэмтэн Жака Картьегийн канад руу явуулсан далайн аялал дууссан.
- 2000 онд Протон Пуужин зөөгчийг амжилттай хөөргөсөн.
- 1905 онд Портсмушейн найрамдлаар Орос Японы дайн төгссөн (Орос Японд Порт-Артур ба Өмнөд Солонгосыг Японы нөлөөнд байхыг зөвшөөрсөн).
- 1990 онд Мөсөн гүнж хэмээгддэг БНСУ-ын уран гулгалтын тамирчин, 2010 оны Олимпийн аварга, 2014 оны мөнгөн медальт Ким Юна /Kim Yuna/ мэндэлжээ.
- 1996 онд АНУ-д болсон 115 миллийн хурдтай хар салхи газрын нуранги үүсгэж, 3 тэрбум ам.долларын хохирол учруулж, 27 хүний амь насыг авч оджээ.
