Өнөөдрийн тухай таны мэдэх ёстой 12 зүйл: УИХ-ын гишүүн Д.Мурат болон сэтгүүлч Д.Майцэцэг нарт холбогдох шүүх хурал болно

Есдүгээр сарын 04-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 247 дахь өдөр бөгөөд он дуусахад 118 хоног үлдлээ.
2. Цаг агаар өдөртөө 22 хэмийн дулаан бол шөнөдөө 9 градус дулаан байх нь ээ.
3. Билгийн тооллын 24, хоёр хар мэнгэтэй шарагчин тахиа өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр хонь, туулай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2476.00 төгрөгтэй тэнцэж байгаа бол бусад валют болох рубль 37.00, юань 361.70, вон 2.18 төгрөг байна.

Өнөөдөр болох онцлох үйл явдлууд:

1. "Нийгэм дэх хүчирхийлэл: Эмэгтэйчүүдийн эрх" сэдэвт онол практикийн бага хурал Засгийн газрын 11-р байранд 10.00 цагаас болно.
2. Монгол улсын Ерөнхийлөгч Х.Баттулга болон УИХ-ын гишүүн, Монголын хоккейн холбооны ерөнхийлөгч Б.Жавхлангийн урилгаар Дэлхийн хоккейн амьд домог, ОХУ-ын хоккейн холбооны Ерөнхийлөгч, ДУМ-ын гишүүн Владислав Третьяк Монгол Улсад айлчилна.
3. 09.40-10.10 цагийн хооронд "Мандал даатгал" ХК анхдагч зах зээлийн арилжааны захиалгын нээх ёслолын үйл ажиллагаа Монголын хөрөнгийн биржийн байранд болно.
4. Нийгмийн эрүүл мэндийн тусламж, үйлчилгээний хүртээмжийг сайжруулах зорилгоор Эрүүл мэндийн яам, Сингапурын Темасекийн сан хамтран 2017-2018 онд Монгол Улсын нийгмийн эрүүл мэндийн мэргэжилтнүүдийн чадавхийг бэхжүүлэх чиглэлээр 140 хүнийг Сингапур улсад сургасан. Тэгвэл 10.00 цагт Эрүүл мэндийн яамны 215 тоот хурлын танхимд хөтөлбөрт хамрагдсан хүмүүсийг Эрүүл мэндийн сайд Д.Сарангэрэл хүлээн авч уулзана.
5. Монгол, буриад харваачид цэц мэргэний тэмцээн Үндэсний цэцэрлэгт хүрээлэнд 360 байт харвайн талбайд зохион байгуулагдаж байна.
6. 14.00 цагт Баянзүрх- Сүхбаатар -Чингэлтэй дүүргийн эрүүгийн хэргийн анхан шатны шүүхэд УИХ-ын гишүүн Д.Мурат болон сэтгүүлч Д.Майцэцэг нарт холбогдох шүүх хурал болно.
7. "Эко Алтан Заамар" компаний хууль бус лицензийг цуцлуулахаар АМГТГ болон МХЕГ-т шаардлага хүргүүлж буй талаар " Эх нутгийн эзэд" ТББ, Хууль бус лицензийг цуцлуулах ажлын хэсгээс 11.00 цагаас Зууны мэдээ сонины " Үндэсний мэдээллийн төв"-д хэвлэлийн бага хурал хийнэ.

Энэ өдөр дэлхийн түүхэнд:

1. Өнөөдөр Аргентин улсад Цагаачдын эрхийг хамгаалах өдөр тохиож байна.
2. 1981 оны энэ өдөр Америкийн алдарт дуучин Beyoncй мэндэлжээ.
3. 1957 онд "Форд" компани Edsel машинаа танилцуулж байжээ.