3 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 80 дахь өдөр бөгөөд он дуусахад 285 хоног үлдлээ.
- Цаг агаар өдөртөө 5 хэмийн дулаан бол шөнөдөө -2 градус хүйтэн байх нь ээ. Өдөртөө бага зэргийн хур тунадас орох гэнэ.
- Билгийн тооллын 4, долоон улаан мэнгэтэй хар хулгана өдөр. Өнөөдөр үсээ авахуулах буюу засуулбал бие эрхтний хүч сайжрах гэнэ. Энэ өдөр луу, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2401.00 төгрөгтэй тэнцэж байгаа бол бусад валют болох рубль 42.20, юань 380.00, вон 2.23 төгрөг байна.
Өнөөдөр болох онцлох үйл явдлууд:
- Шадар сайд Ө.Энхтүвшин 12.00 цагт Монгол Улсад айлчилж буй Туркийн Шадар сайдыг хүлээн авч уулзана.
- MN-Мэдээллийн төвд 11.00 цагаас Хууль хяналтын байгууллагын алдаатай үйл ажиллагаа, шүүхийн шударга бус байдлын талаар “Иргэдийн шударга шүүх” ТББ-аас мэдээлэл хийнэ.
- MN-Мэдээллийн төвд 12.00 цагаас “Алтан гадас 10” олон улсын хүүхдийн урлагийн наадмыг Монгол Улсад зохион байгуулахтай холбогдуулж мэдээлэл хийнэ. Хуралд урлаг соёлын одод, Соёлын аялал жуулчлалын олон улсын нийгэмлэгийн төлөөллүүд оролцоно.
- MN-Мэдээллийн төвд 12.30 цагаас Монгол Улсын шүүхийн шийдвэр ба хурдан морины хаврын уралдааны талаар Хүүхдийг ивээх сангаас хэвлэлийн бага хурал зарлалаа.
- “Татварын албаны удирдах ажилтны сургалт, семинар, зөвлөгөөн - 2018” "Корпорэйт Конвэйшн центр"-ийн хурлын танхимд 09.00 цагт эхэлнэ.
- "Ирээдүйн мистер" Улаанбаатар хотын аварга шалгаруулах 22 дахь удаагийн тэмцээнийг зохион байгуулах талаар 11.00 цагт Хангарди ордны нэг давхрын Мэдээллийн төвд Хэвлэлийн бага хуралтай.
Энэ өдөр дэлхийн түүхэнд:
- 1804 онд Франц улсад "Наполеоны кодекс"-ыг хэрэгжүүлж эхлэв. Уг кодекс ёсоор Францын жирийн иргэн болон олон нийтийн газар, барааны тэмдэгт, газар нутгийг Наполеон гэсэн нэрээр нэрлэхгүй байхаар тусгажээ.
- 1913 онд АНУ-ын Охайо мужийн Дейтон хотод их үер бууж 360 гаруй хүн амиа алдан 20,000 өрх орох оронгүй болжээ.
- 1919 онд Оросод өрнөсөн Октябърын хувьсгалын дараа Унгар улс Зөвлөлтийн засгаар замнахаар болов. Ингэснээр европ тивд Оросоос гадна анхны коммунист улс болсон юм.
- 1935 онд Ираны шах Реза Шах Пахлави улсынхаа нэрийг Перси биш Иран болгон өөрчилж, олон улсад танилцуулжээ.
- 1946 онд Америкийн үндэсний хөлбөмбөгийн баг Лос Анжелес Рамс баг хар арьст тоглогч Кенни Вашингтонтой гэрээ байгуулав. Ингэснээр Америкийн үндэсний хөлбөмбөгийн лигийн түүхэнд хар арьст тоглогчтой гэрээ хийсэн анхны баг болсон юм.
- 1960 онд Өмнөд Африкт арьс өнгөрөөр ялгаварлан гадуурхах үзлийг эсэргүүцсэн тайван жагсаалыг цагдаагийн газар хүч хэрэглэн тарааж 69 хүн амиа алдан, 180 хүн шархаджээ.
- 1986 онд дэлхийн уран гулгалтын аварга шалгаруулах тэмцээнд АНУ-ын уран гулгагч Деби Томас түрүүлэв. Ингэснээр тус тэмцээний түүхэнд түрүүлсэн анхны хар арьст тамирчин болжээ.
- 1990 онд Өмнөд Африкын захиргаанд 75 жил оршин тогтносон Намиби улс тусгаар тогтнов.
- 1994 онд НҮБ цаг уурын өөрчлөлттэй тэмцэх бодлогын баримт бичгийг боловсруулж эхэлжээ.
- 2006 онд нийгмийн сүлжээний алдарт Твиттер албан ёсоор байгуулагджээ.
- 1999 онд Бертран Пиккард болон Брайн Жонес нар дэлхийг агаарын бөмбөлөгтэй тойрсон анхны хүмүүс болов.
