3 дугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 74 дахь өдөр бөгөөд он дуусахад 291 хоног үлдлээ.
- Цаг агаар өдөртөө -2 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 28, дөрвөн ногоон мэнгэтэй улаан морь өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр бар жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2398.00 төгрөгтэй тэнцэж байгаа бол бусад валют болох рубль 42.70, юань 380.00, вон 2.23 төгрөг байна.
Өнөөдөр болох онцлох үйл явдлууд:
- ITPark-н 3 давхарт мэдээллийн төвд 10630 цагаас Мэдээлэл, технологийн үндэсний парк, Азийн бизнесийн холбоотой хамтран Монголын гарааны болон жижиг дунд бизнесүүдийг Зүүн өмнөд Азийн зах зээлд гаргах ажлыг эхлүүлэх хамтын ажиллагааны талаар танилцуулсан хэвлэлийн бага хурал болно.
- МҮЭ-ийн холбооноос 11.00 цагаас Хөдөлмөр, нийгмийн зөвшлийн гурван талт Үндэсний хороог хуралдуулах, Хөдөлмөрийн хэвийн бус нөхцөлд ажиллагсдын тэтгэврийн нас, Хөдөлмөр нийгмийн зөвшлийн гурван талт 2017-2018 оны улсын хэлэлцээрийн хэрэгжилтийг хангуулах асуудлаар хэвлэлийн хурал хийнэ.
- ЗТХЯ-аас " Авто замын чанар-үр ашиг" сэдвийн хүрээнд удирдах ажилтны улсын зөвлөгөөнийг "Блю скай"-д 10.00 цагаас зохион байгуулна.
- 10.00 цагт Олон Улсын Хэрэглэгчийн Эрхийг Хамгаалах Өдрийг тохиолдуулан “ЦАХИМ ОРЧНЫ ХЭРЭГЛЭГЧ-2018” зөвлөлдөх уулзалт Засгийн газрын 11 дүгээр байрны 2 давхрын дугуй танхимд зохион байгуулна.
- 10.00-12.00 цагийн хооронд Дүнжингарав худалдааны төвийн нэг цэгийн үйлчилгээнд Хадгаламжийн даатгалын корпорацитай хамтран Санхүүгийн хэрэглэгчийн эрхийг хамгаалах хүрээнд хадгаламж эзэмшигчдийн эрх хэрхэн хамгаалагддаг тухай ба тус корпорацийн өөрийн үйл ажиллагаагаа хэрэглэгчдэд танилцуулна.
Энэ өдөр дэлхийн түүхэнд:
- 933 онд арван жилийн турш хэрэгжсэн энхийг гэрээг зөрчиж Германы хаан Хенри Унгар руу цэрэг оруулав.
- 1493 онд алдарт аялагч Кристофер Колумб Америкаар хийсэн анхны аялалаа дуусган Испанидаа иржээ.
- 1642 онд Түвдийн төр, шашны тэргүүдийг залах ёслол болов. Түвдийн хаан ширээнд Гүш хан Төрбайх заларсан бол Түвдийн бурханы шашны тэргүүнд V Далай лам Лувсанжамцыг залжээ.
- 1888 онд Англи, Төвдийн дайн эхэлжээ.
- 1892 онд Английн хамгийн алдартай хөлбөмбөгийн клуб гэгдэх Ливерпүүл клуб байгуулагдав.
- 1906 онд автомашины Роллс-Ройс компани байгуулагджээ.
- 1926 онд Грек улсын ерөнхийлөгчөөр дарангуйлагч Теодорос Пангалос сонгогджээ.
- 1927 онд түүхэнд анх удаа эмэгтэйчүүдийн завьны уралдаан зохион байгуулагдав. Тус уралдаанд Оксфордын их сургууль болон Кембриджийн их сургуулийн багууд өрсөлдсөн байна.
- 1985 онд интернетийн анхны домейн нэр (symbolics.com)-ийг авав.
- 1986 онд Сингапурт байрлах "New World" зочид буудал нурж 33 хүн амиа алджээ.
- 1990 онд ЗХУ-ын анхны ерөнхийлөгчөөр Михайль Горбачёв сонгогдов.
