Г.Марал-Эрдэнэ III, О.Мишээл IV байрт жагсаж байна

БНХАУ-д зохион байгуулж буй “Хар­бин-2025” Азийн өвлийн спортын наадмын уран гул­галтын тэмцээнд Монголоос Г.Марал-Эр­дэ­нэ дасгалжуулагч Рина Хоре, О.Мишээл Тэцү­ка­цү Накашимагийн удирдлагад өрсөлд­лөө. Тэд тус наадмын долоо дахь өдөр эмэг­тэйчүүдийн ган­цаарчилсан төрөлд чөлөөт үзүүлбэрээ то­ли­луулав. Г.Марал-Эрдэнэ чө­лөөт үзүүлбэрт оролц­сон эхний есөн орны тамирч­наас III, О.Ми­шээл IV байрт жагсаж байна. Г.Марал-Эр­дэнэ Азийн наадамд хоёр, О.Мишээл анх удаа Азийн өвлийн спортын наадмын мөсөн талбайд гулгаж байна. Тэгвэл өнөөдөр болох найм дахь өд­рийн тэмцээнд О.Мишээл зургаа,  Г.Марал-Эр­дэнэ ес дэх га­раанд гарч үзүүлбэр үзүүлнэ. АНУ-д 2006 онд төрсөн О.Мишээл долоон нас­тай­даа уран гул­галтын спортод хөл тавьж, 12 дахь жилдээ хичээллэж буй. Монголын уран гул­галт, шорт трейк, гүйлтийн тэшүүрийн баг Азийн өвлийн наа­дамд бүрэн бүрэлдэхүүнээрээ анх удаа орол­цож буй нь олон орны анхаарлыг та­таж байна.