Сербийн Врнячка Баня хотод зохион байгуулсан сурагчдын шатрын ДАШТ-д оюунаа сорьсон Монголын баг хоёр алт, нэг мөнгөн медаль хүртсэн. Охидын 17 хүртэлх насны ангилалд “Стейниц Монголын шатрын академи”-ийн тамир¬ чин, ОУШХ-ны дэд мастер Б.Буянхишиг, 11 насны ангилалд Ч.Нандинжигүүр нар түрүүлж, дэлхийн аваргаар тодорлоо.
Дээрх тэмцээнээс гурван жил дараалж, медаль зүүсэн Б.Буянхишиг өмнө нь 2023 онд алт, 2024 онд хүрэл, 2025 онд тэргүүн байрт шалгарснаар дэлхийн хошой аварга болж байна. Тэгвэл Г.Нандинжигүүр мөн хоёр жил дараалан тэргүүлж, дэлхийн хошой алтан медальтнуудын эгнээнд жагсав. Тэднээс гадна есөн насныхны ангилалд өрсөлдсөн тус академийн тамирчин Ш.Уранзаяа мөнгөн медаль хүртэж, олон улсын тэмцээнээс анх удаа шагнал гарджээ.
