Зэвсэгт хүчний 084 дүгээр ангийн хоёр алба хаагч гранат шидэх сургуулилалтын үеэр дэлбэрэлтэд өртөж гэмтсэн осол өнгөрсөн баасан гаригт гарчээ. Дадлага сургуулилалтыг удирдан явуулж байсан офицер эрэгтэйн зааварчилгаагаар гранат шидэж байсан ахлагч эмэгтэй “Одоо энэ гранат сургуулилалтынх биш, байлдааных шүү” гэсэн анхааруулгыг сонсонгуут бөмбөгөө дороо алдсан байна. Азаар тэдний амь насанд халтай, ноцтой гэмтэл учраагүй бөгөөд Цэргийн төв эмнэлэгт хүргэгдэн тэр даруй гар, хөлний хагалгаанд орж, өдгөө биеийн байдал нь дээрдэж байгаа гэнэ.
Л.Чимэг
