“Усны инженер”-тэй танилцах аялалд нэгдээрэй 

Нийслэлийн Байгаль орчны газрын харьяа “Минж үржүүлэх, нутагшуулах төв” хүүхэд, за­лууст экологийн боловсрол олгох сургалт, аялал тогт­мол зохион байгуулж байна. Цэнгэг усны “ин­женер” болсон уг амьтныг ойроос харж, та­нил­цахыг хүссэн оюутан, сурагчид дээрх газрын 7272 0303 дугаарын утсаар урьдчилан холбогдож цаг авс­наар минж үржүүлэх төвд зочлох боломжтой гэнэ. Энэ сарын 22-нд тохиосон Дэлхийн усны өдрөөр нийслэлийн Бай­галь орчны газар, “Мэд­лэг­тэй алхагч за­луу­­сын нэгдэл” төрийн бус байгууллага хамт­ран их, дээд сургуулийн оюутнуудын дунд “Минж­тэй танилцах өдөрлөг” зохион бай­гуулжээ. Яг энэ жишгээр боловсролын бай­гуул­лагуудтай хамтран танин мэдэхүйн аялал, өдөр­лөг, сур­галт явуулах боломжтойг минж үр­жүү­лэг­чид дурдав. Ташрамд дурдахад, “Минж үржүүлэх, нутагшуулах төв”-ийнхөн өнгөрсөн хугацаанд Туул голын эх, түүний цутгал Заан, Тэрэлжид 77 бод­галь нутагшуулсан бол өдгөө 41 “инженер”-ийг өсгөн бойжуулж байна.

Н.Мишээл