Шар металлын ханш энэ он гарснаас хойш тасралтгүй өсөж, түүхэн дээд түвшнээ хэдэнтээ шинэ¬ чилсээр унцынх нь үнэ өчигдөр 3100 ам.доллароос анх удаа давлаа. “Reuturs” агентлагаас мэдээлснээр алтны ханш сүүлийн гурван сарын хугацаанд түүхэн дээд түвшнээ 16 удаа шинэчилсэн бөгөөд улирлын сүүлийн өдөр ийнхүү 3106.5 ам.доллартой тэнцсэн байна.
Энэ нь оны эхэн үеийнхээс 18 хувиар өссөн дүн аж. Өнгөрсөн оны наймдугаар сард унц алтны ханш 2500 ам.доллароос давсан нь түүхэн дээд үзүүлэлт болж байв. Тэгвэл үүнээс хойш тогтмол өссөөр энэ оны хоёрдугаар сард 2880 ам.долларт хүрч, гуравдугаар сарын эхэнд анх удаа 3000 ам.доллароос давжээ. Өнгөрсөн баасан гарагт буюу гуравдугаар сарын 28-нд шар металлын ханш түүхэнд анх удаа 3085 ам.доллартой тэнцсэн бол үүнээс гурав хоногийн дараа эл дээд үзүү¬ лэлт эвдэгдэв. Үндсэндээ сүүлийн долоон сарын хугацаанд унц алтны ханш 25 хувиар өссөн байна.
Алтны ханш ийнхүү огцом өсөхөд АНУ-ын эдийн засгийн нөхцөл байдал, гадаад худалдааны салбарт хэрэгжүүлж эхэлсэн бодлого, шийдвэрүүд гол нөлөө үзүүлсэн гэдгийг олон улсын байгууллагын шинжээ¬ чид дурджээ. Өөрөөр хэлбэл, энэ бүхэн эрсдэлээс сэргийлэх, зайлсхийх сэтгэл зүй, болгоомжлолыг зах зээлд бий болгож, хөрөнгө оруулагчид алт руу хошуурах замыг нээсэн гэнэ. Тэгвэл “Goldman Sachs”, UBS зэрэг томоохон банкныхан алтны ханш цаашид ч түүхэн дээд түвшнээ эвдсээр оны эцэст 3300 ам.долларт хүрч болзошгүй гэж таамаглажээ.
Н.Мишээл
