Зөвшөөрөлтэй холбоотой бүх мэдэгдлийг “И-Монголиа”-гаар хүргэнэ 

Зөвшөөрөл олгох, сунгах, түд­гэл­зүүлэх, сэргээх, хүчингүй болгох асууд­лыг Зөвшөөрлийн тухай хуульд заа­сан хугацаанд шийдвэрлэх, үүнтэй хол­боотой шат дамжлагыг багасгах, хуульд нийцүүлэн захиргааны хэм хэмжээний акт баталж, үйл ажиллагаандаа мөр­дөж ажиллахыг эрх бүхий төрийн бай­гууллагад Засгийн газрын өчигдрийн хурал­даанаас үүрэг болголоо. Тод­руул­бал, тусгай зөвшөөрлийн хүсэлт хүлээн ава­хаас эхлээд бүртгэх, магадлан шал­гах, түдгэлзүүлэх, сунгах, сэргээх гээд бүх шатны шийдвэрлэлттэй хол­боо­той мэдэгдлийг “И-Монголиа” сис­те­мээр дамжуулан иргэдэд тухай бүрд нь мэдээлж, төвөг чирэгдэл уч­руу­лах­гүй байхад анхаарахыг даалгав. Түүнч­лэн эдгээр бүх мэдээллийг төрийн үйл­чил­гээний “e-business.mn” системд нэгт­­гэх ажлыг ирэх тавдугаар сарын 1-ний дотор багтаан хэрэгжүүлэхийг Зас­­гийн газрын гишүүд, аймаг, нийс­лэлийн Засаг дарга нарт, мөн тус сис­­темд холбогдох байгууллагуудад мэр­­гэжил арга зүйн дэмжлэг үзүүлж ажил­лахыг “Санхүүгийн мэдээллийн технологийн төв”, “И-Монгол” УТҮГ-т даалгасан юм. Зөвшөөрөл олгох үйл ажил­­лагааг цахимд шилжүүлснээс хойш “license.mn”-ээр 76, “e-business.mn”-ээр 43, эрх бүхий байгууллагууд өөрийн цахим системээр дамжуулан 116 төрлийн тусгай зөвшөөрөл олгож, нэгд­­сэн мэдээллийн санд нийт 151 746 эрх шинээр бүртгүүлжээ. Үлдсэн 73 төр­лийн тусгай зөвшөөрлийг уламж­лалт аргаар буюу цаасаар харилцах байд­лаар ол­го­сон хэвээр байгааг энэ үеэр дурдав.