Хятадын “Betavolt New Energy Technology” компани 50 жил цэнэглэхгүйгээр ажиллах боломжтой BV100 хэмээх шинэлэг цөмийн зай(батерей) бүтээжээ. Энэ тухай Шинхуай мэдээлэв
Зоосноос ч жижиг хэмжээтэй (15 х 15 х 5 мм) энэхүү бяцхан зай нь никель-63 цацраг идэвхт изотопын задралаас ялгарах энергийг ашиглаж, алмазан хагас дамжуулагч модулийг ашиглан цахилгаан эрчим хүч болгон хувиргадаг.
BV100 нь эмчилгээний суулгац, мэдрэгч, мини дрон зэрэгт зориулагдсан боловч эрчим хүч их шаарддаг төхөөрөмжид одоогоор тохиромжгүй аж.
2025 оны эцэс гэхэд тус компани сансар огторгуй болон нисгэгчгүй үйлдвэрлэлд зориулсан сайжруулсан хувилбарыг гаргахаар төлөвлөж байна.
BV100 цөмийн батерей нь урт хугацааны үйлчилгээтэй төдийгүй эрс тэс нөхцөлд тогтвортой ажилладаг. Цельсийн -60-аас +120 хэмийн температурт ажиллах боломжтой бөгөөд гал авалцахгүй, дэлбэрэхгүйгээр цоолох, буудах зэрэгт тэсвэртэй.
ЗХУ, АНУ өмнө нь энэ технологийг сансрын хөлөг, усан доорх систем, алслагдсан шинжлэх ухааны станцуудад ашиглахаар судалж байсан ч батерей нь өндөр өртөгтэй, том хэмжээтэй байжээ.
БНХАУ-ын 14-р таван жилийн төлөвлөгөөнд цөмийн батарейг жижигрүүлж, худалдаанд гаргах хүчин чармайлт гаргажээ
