Зургаан настнуудын нүд, шүд, зүрхний үзлэгийг орон нутаг эхлүүлнэ

Зургаан настны нүд, шүд, зүрхний эрт ил­рүүл­гийн үзлэгийг өнгөрсөн оны сүүлчээр эх­лүүл­сэн бөгөөд өнөөдрийн байдлаар 40 749 хүүх­дийн 89 хувийг хамруулжээ. Тодруулбал, ма­най улс сур­гуульд суурилсан эрт илрүүлгийг анх удаа зохион байгуулж, эхний ээлжинд нийс­лэлийн нэгдүгээр ангийн сурагчдыг хам­руулсан юм. Энэ хичээлийн жилд улсын хэм­жээнд нэг­дүгээр ангид 77 мянга орчим хүүхэд элссэн байна. Тэднээс Улаанбаатар хотод эрт илрүүлэгт хамрагдсан 36.2 мянга гаруй хүүхдийн 79.9 хувийнх нь шүд цоорсон, 20.5 хувьд нь харааны өөрчлөлт илэрчээ. Мөн зүрхний цахилгаан бичлэг хийлгэсэн хүүх­дүүдийн 21.4 хувь нь өөрч­­лөлттэй гарсан аж. Эд­гээр хүүх­дүү­дийг да­раа­гийн шатны тусламж үйл­чил­гээнд хам­­руул­сан бөгөөд эмчилгээний явц 13-66 хувь­тай гэнэ. 

Түүнчлэн 21 аймгийн ерөнхий боловсролын сур­­­гуулийн нэгдүгээр ангийн сурагчдын эрт ил­рүүлгийн үзлэгийг ирэх сарын 1-нээс эх­лүү­лэ­хээр болжээ. Үүний хүрээнд эмч, мэр­гэжилт­нүү­дийг чадавхжуулах сургалтыг энэ сарын 24-28-нд Улаанбаатар хотод зохион байгуулж буй аж. Эрүүл мэндийн яамнаас эрт илрүүлэгт шаард­­лага­тай зүрхний ухаалаг цахилгаан бич­лэгийн ап­парат, хараа зүйн оношилгооны цогц то­ног тө­хөө­рөм­жийг орон нутагт хуваа­рил­жээ.

Ч.Болор