Өнөөдрийн засгийн газрын хуралдаанаас 2026 оныг боловсролыг дэмжих жил болгох шийдвэр гарсан талаар Боловсролын сайд П.Наранбаяр мэдээллээ. Тэрбээр, "Боловсролын салбар бол салбар дундын шинжтэйгээрээ онцлог. Боловсролоос бүх зүйл хамаарч байдаг. Дэлхийн банкнаас хийсэн судалгаагаар манай улс боловсролын салбартаа хөрөнгө оруулалт хийж чадвал манай эдийн засгийн өсөлт жилдээ 30 хувь хүрэх боломжтой. 2026 онд боловсролын багц хуулийг хэрэгжүүлж, амилуулахаар төлөвлөж байна . Өнөөдөр тулгамдаад байгаа боловсролын тэгш хүртээмж, хүүхдийн сурах таатай орчныг бүрдүүлнэ.
Мөн хэд хэдэн шинэчлэлт хийнэ. Шинэчлэлийн хүрээнд зургаан шинэ хөтөлбөрийг хэрэгжүүлнэ. Тухайлбал, хөтөлбөрийн шинэчлэлт, цахим шинэчлэлт, үр дүнд суурилсан санхүүгийн шинэчлэл, багшийн гурван тулгуурт бодлогын шинэчлэлт гээд хэд хэдэн шинэчлэлт хийнэ. Мөн хамгийн гол нь ЕБС, цэцэрлэгийн тоо хэмжээ болон хөрөнгө оруулалтыг нэмэгдүүлнэ. 2030 он 88 мянган хүүхэд боловсрол эзэмшихээр нэмэгдэх тоон судалгаа гарсан. Тэдэнд 108 сургууль 95 цэцэрлэг хэрэгтэй. Үүн дээр үндэслэсэн төсөв тогтооно. Багшийн дутагдлаас гаргах, багшийг хөгжүүлэх хөтөлбөрүүдийг хэрэгжүүлнэ. Хүний нөөцийн асуудалд анхаарал тавина. Засгийн газраас хэрэгжүүлэх 14 Мега төсөлд хүний нөөцийн дутагдал их байна. Бид хүний нөөцийг нэмэгдүүлэх стратеги боловсруулна. Боловсролыг дэмжих жил бол эдийн засгийг өөрийг нь дэмжих, салбар дундын уялдаа холбоог шинэчлэх жил байх болно гэдгийг хэлэх таатай байна" гэлээ.
