Улсын сургуулиудад усан бассейн бүү хэл, дугуйлан, секц хичээллүүлэх анги танхим хомсдолтой. Харин ерөнхий боловсролын 130 дугаар сургууль уржигдар усан бассейнаа ашиглалтад оруулжээ. Тодруулбал, Хан-Уул дүүргийн XV хороонд байрлах, 130 дугаар сургууль дөрвөн жил хүлээсний эцэст ийнхүү усан бассейнтай болов. Сонирхсон хүүхдүүдийг тодорхой хэмжээний төлбөртэйгөөр хичээллүүлэх бөгөөд гаднаас хүмүүс оруулахгүй гэж сургалтын менежер нь хэлсэн. Усанд сэлэлтийн багш, аврагч, эмч, ариутгалын ажилтан зэрэг есөн хүний бүрэлдэхүүнтэй баг бассейны үйл ажиллагааг хариуцаж ажиллах юм байна. Энэ талаар тус сургуулийн эмч Б.Гэрэлмаа “Усыг хоёр цаг тутамд автоматаар ариутгана. 15-аас дээш насныхан цагаан хорхой, мазок, үүнээс доош насныхан цагаан хорхойн шинжилгээ өгснөөр усанд сэлэх боломжтой” гэв. Дээрх сургуульд БОЛОВСРОЛ 130 дугаар сургууль таван зам бүхий усан бассейнтай болов усан сэлэлтээр хичээллэдэг, спортын мастер цолтой хүүхэд цөөнгүй аж. Тэд сургуульдаа бэлтгэлээ хийх боломжтой болсондоо баярлаж буйгаа илэрхийлсэн. Сонирхуулахад, нийслэлийн ерөнхий боловсролын 20 болон 33 дугаар сургууль усан бассейнтай. 130 дугаар сургуулийг БНХАУ-ын Засгийн газрын буцалтгүй тусламжаар барьсан бөгөөд 2021-2022 оны хичээлийн жилээс үйл ажиллагаагаа эхлүүлсэн байна. Нэг ээлжиндээ 920 хүүхэд хүлээн авах хүчин чадалтай ч өдгөө 4000 орчим сурагч хичээллэдэг аж.
Ч.Болор
