Цахим хөгжил, инновац, харилцаа холбооны яамнаас хиймэл оюуны үндэсний стратегийг боловсруулан, олон нийтээр өнгөрсөн хоёрдугаар сард хэлэлцүүлсэн билээ. Энэхүү стратегийн хүрээнд тус яамныхан НҮБ-ын Хүүхдийн сангийнхантай хамтран 1000 залуу манлайлагчийг хиймэл оюуны (AI) элч болгон бэлтгэх төслийг хэрэгжүүлж эхэлснээ өчигдөр мэдээллээ. “1000 AI ambassador” нэртэй уг төслийн явцад хүүхэд, залуусыг төрөл бүрийн чадавхжуулах буюу хиймэл оюуны тухай ойлголт, цахим ур чадвар, технологийн шинэ мэдлэг олгох сургалтуудад хамруулна гэв. AI элч нар мэдлэг, ур чадвараа олон нийтэд таниулах, иргэдийн энэ чиглэлийн боловсролыг дээшлүүлэхэд голлох үүрэг гүйцэтгэнэ гэдгийг салбарын сайд Ц.Баатархүү хэлсэн. Тодруулбал, тэд хот, хөдөөгийнхөнд хиймэл оюуны хэрэглээ, ач холбогдлыг ойлгуулах сургалт, арга хэмжээнүүдийг зохион байгуулах аж. Ийнхүү иргэдийн дижитал боловсролыг нэмэгдүүлэхээс гадна инновац нэвтрүүлэх, хиймэл оюуныг ашиглан нийгэм, эдийн засгийн хөгжилд хувь нэмэр оруу¬лах боломжийг судалж, төсөл хүртэл хэрэгжүүлэх юм байна. Ташрамд дурдахад, “1000 AI ambassador” төслийг орон даяар хэ-рэгжүүлэх бөгөөд элчээр сонгогдсон хүүхэд, залуусыг сургалтын хэрэглэгдэхүүн, компьютер зэргээр хангах юм
О.Оргилох
