Монголын баг залуучуудын ДАШТ-ээс иж бүрэн медаль хүртлээ 

АНУ-д энэ сарын 7-9-нд зохион байгуулсан мө­­сөнд авиралтын өсвөр үе, залуучуудын ДАШТ-д уулын спортын мастер, дасгалжуулагч Д.От­­­гонхүүгийн удирдлагад Монголын баг ул­саа төлөөлж оролцлоо. Тус тэмцээний хурд­ны төрөлд эмэгтэйчүүдээс Б.Энхрий-Эр­­дэнэ 16, Ж.Амина 18 хүртэлх насныхны ан­гилалд түрүүлж, дэлхийн аварга боллоо. Эрэг­­тэй­­чүүдээс Э.Дөлгөөн мөн­гөн медаль хүр­тэж, А.Зоригтбаатар, Ж.Му­хам­­мед нар IV байр эзлэв. Тэгвэл 20 хүртэлх нас­ных­ны ангилалд эрэг­тэйчүүдээс Э.Но­мин­тэн­гэр алт, Б.Мөнх­баа­тар хүрэл медаль зүүсэн юм. Тех­никийн төрөлд манайхан анх удаа ур чад­вараа сорьсноос Б.Энхрий-Эрдэнэ хүрэл ме­даль гардсан. Тэрбээр эл төрөлд шагналын тав­цанд зогссон Монголын анхны тамирчнаар то­дорч байна. Тэднээс Ж.Амина өмнө нь Фин­ланд улсын Оулу хотод 2023 онд зохион бай­гуул­сан тэмцээнээс хүрэл, Б.Мөнх­баатар Фран­цад өнгөрсөн жил болоход хурд­ны төрөлд авар­галж, А.Зоригтбаатар хүрэл медальтай ирж байв.