Бизнес инкубатор төвийн барилгыг ашиглалтад орууллаа
“Эмээлт эко аж үйлдвэрийн парк” төслийн хүрээнд Хан-Уул дүүргийн 13 дугаар хороонд бизнес инкубатор, үйлдвэр сургалтын төв барьж, өнгөрсөн баасан гарагт ашиглалтад орууллаа. Жижиг, дунд үйлдвэрийг сурталчлах, орон нутгийн бизнес болон үйлдвэрүүдийн уялдаа холбоог сайжруулахад дэмжлэг үзүүлэх зорилгоор уг төвийг барьсан аж. Тус төвийн барилга нь дөрвөн давхар бөгөөд хүлээлгийн өрөө, цайны газар, оффис, сургалтын болон үзэсгэлэнгийн танхимтай юм байна. Нийслэлийн төсвийн хөрөнгө оруулалтаар “Гурван булаг сод” компанийнхан эл төвийг барьжээ.
2024-10-21
Богдхан ууланд экологийн боловсролын бүс байгуулав
Монголын явган алхалтын холбоо Бүгд Найрамдах Чех Улсын ЭСЯ, “Czech aid” олон улсын байгууллага, Менделийн их сургуультай хамтран Богдхан уулын Зайсангийн аманд байгаль орчин, экологийн боловсрол олгох зориулалттай бүс байгуулжээ. “Хүүхэд, гэр бүлийн экологийн боловсролын бүс” нэртэй тус төгөл нь нийслэлчүүдийн явган алхалтын гол маршрут болсон Дугуй цагаан чиглэлийн замд буй гэнэ.
2024-10-21
ҮУИТ-ын бүжигчид олон улсын уралдаанд тэргүүлжээ
ОХУ-ын Чечень улсын алдарт бүжигчин, бүжиг дэглээч Махмуда Эсембаевын нэрэмжит, олон улсын мэргэжлийн гоцлол болон хослол бүжигчдийн 15 дахь удаагийн уралдаанд Үндэсний урлагийн их театр (ҮУИТ)-ын уран бүтээлчид амжилттай оролцжээ. Тус театрын уран бүтээлч А.Түвшинбаяр, Б.Мөнхжингоо нар хослол бүжгийн төрөлд тэргүүн байр эзэлсэн байна.
2024-10-21
Дүн өвлийн хүйтнээр Зайсангийн гүүрийг нураана гэв үү
Бүтээн байгуулалтын улирал дуусаж, цас орон, газар хөлдөх гэж байхад Улаанбаатарт замын ажил ид үргэлжилж байна. Хаваржин сонгуулийн сурталчилгаа хийж, зунжин амарсан дарга нар одоо л нэг ухаан оров уу гэлтэй, энд тэндгүй зам хааж, иргэдийг чирэгдүүлж, тэртэй, тэргүй тартагтаа тулчихсан замын түгжрэлээ улам ихэсгэж, зарим үед тэг зогсолт үүсгэх болсон.
2024-10-21
Баян-Өлгий, Баянхонгор, Говь-Алтай, Ховд, Завхан аймгийн нутгаар их цас унажээ
Өнөөдөр /2024.10.20/ ихэнх нутгаар нойтон цас, цас орж, цасан шуурга шуурч, зам даваа гүвээнд мөстөлт, халтиргаа, гулгаа үүсэж, үзэгдэх орчин хязгаарлагдахыг онцгойлон анхааруулж байна. Тухайлбал, 2024 оны аравдугаар сарын 20-ны өдрийн 11:30 цагийн байдлаар зарим гүвээ даваанд халтиргаа үүсжээ.
2024-10-20
ФОТО: Энхийг сахиулагчид эх орондоо ирлээ
Бүгд найрамдах Өмнөд Судан Улсад явагдаж буй НҮБ-ын “UNMISS” энхийг сахиулах ажиллагаанд оролцож үүргээ нэр төртэй гүйцэтгэсэн Монгол Улсын Зэвсэгт хүчний XIII ээлжийн цэргийн багийн нэгдүгээр ээлжийн энхийг сахиулагчид эх орондоо газардлаа.
2024-10-19
Эрэгтэй, эмэгтэй хүмүүсийн дундаж наслалтын зөрүү 9.6 жил байгаа нь дэлхийн дунджаас хоёр дахин өндөр үзүүлэлт
Монгол Улсын Ерөнхий сайдын захирамжаар батлагдсан “Эрэгтэй, эмэгтэй хүний дундаж наслалтын зөрүүг багасгах талаар авч хэрэгжүүлэх арга хэмжээний төлөвлөгөө (2024-2027)”-г үндэсний хэмжээнд танилцуулах ажлыг Засгийн газар, Жендэрийн үндэсний хороо хамтран зохион байгуулж байна. Энэ хүрээнд хэрэгжилтийг хангахад хувь нэмрээ оруулан ажиллах Гэр бүл, хөдөлмөр, нийгмийн хамгааллын яам, түүний харьяа байгууллагуудын албан хаагчдад төлөвлөгөөг танилцууллаа.
2024-10-19
