Өнөөдөр /2024.10.20/ ихэнх нутгаар нойтон цас, цас орж, цасан шуурга шуурч, зам даваа гүвээнд мөстөлт, халтиргаа, гулгаа үүсэж, үзэгдэх орчин хязгаарлагдахыг онцгойлон анхааруулж байна. Тухайлбал, 2024 оны аравдугаар сарын 20-ны өдрийн 11:30 цагийн байдлаар баруун аймгууд цастай байна.
Тодруулбал, Баян-Өлгий, Баянхонгор, Говь-Алтай, Ховд, Завхан аймгийн нутгаар шөнөдөө цас орсон. Архангай, Баянхонгор, Булган, Төв, Өвөрхангай аймгуудын зарим хэсгээр болон Улаанбаатар, Налайх, Багахангай дүүргийн нутгаар цас орсоноос халтиргаа гулгаа их байна.
Мөн Багануур дүүрэгт цас их орж үзэгдэх орчин хязгаарлагдмал болж байна. Орон нутгийн болон Улсын чанартай А0501 дугаартай авто замд зорчиж байгаа иргэд жолооч та бүхэн аюулгүй байдлаа ханган хөдөлгөөнд оролцож, болзошгүй эрсдэлээс урьдчилан сэргийлнэ үү.
