Монголбанкнаас 20 мянгатын дэвсгэртийн нөөц багассантай холбогдуулан шинээр хэвлүүлэхээр боллоо. Ингэхдээ шинэ дэвсгэртэд хоёр төрлийн нууцлал нэмсэн байна. Мөнгөн тэмдэгтийн нууцлал технологийн дэвшлээс түрүүлэх ёстой тул тунгалаг цонх нэмж мөн ард нь солонгорч харагдах мөнгөлөг ялтас оруулжээ. Төвбанк зах зээлийг бэлэн мөнгөний хомсдолд оруулахгүйн тулд мөнгөн дэвсгэртийн санг байнга дүүргэж байх үүрэгтэй. Иймээс дээрх шинэ дэвсгэртийг ирэх найм, есдүгээр сараас гүйлгээнд гаргах аж. Харин мөнгөн дэвсгэртийг ямар хэмжээгээр хэвлэхийг захирлуудын зөвлөлийн 11 гишүүн шийддэг байна.
Өчигдрөөс илүү маргаашийг
бүтээхийн төлөө
