М.РОМНИЙН ТУХАЙ ХОШИГНОСОН СЭТГҮҮЛЧ АЖЛААСАА ХАЛАГДЛАА

“Yahoo news”-ийн Вашингтон дахь товчооны тэргүүн Дэвид Челиэн АНУ-ын Ерөнхийлөгчийн сонгуульд Бүгд найрамдах намаас нэр дэвшигч Митт Ромнийн тухай хошигнол хэлснээсээ болж ажлаасаа халагдлаа. “Yahoo news” Америкийн “ABC news” теле сувагтай хамтран тус намын их хурлаас хийсэн шууд нэвтрүүлгийн үеэр Челиэн Митт Ромнийн эхнэр Эннтэйгээ инээмсэглэн авахуулсан зургийн талаар “Тэдний санааг “Исаак” хар салхи ч зовоохгүй байгаа бололтой. Хар арьстнууд живж буй үдэшлэгт байхдаа тэд их жаргалтай байна” гэсэн байна. Үүний өмнөхөн хар салхи Гаитийг дайран өнгөрч, дөрвөн хүний амь насыг авч оджээ. Сэтгүүлч үгийг нь нэвтрүүлгээр шууд дамжуулж байгаа гэдгийг мэдээгүй байжээ. Нэвтрүүлгийн дараа буюу уржигдар “Yahoo news” Дэвид Че лиэнийг ажлаас нь халсан байна. Компани сэтгүүлчийн ярьсныг “цагаа олоогүй хошигнол” хэмээн нэрлэж, Митт Ромнигоос уучлалт хүсчээ. Дашрамд өгүүлэхэд, Америкийн “Politico” сонин Митт Ромнийн тухай хошигносон сэтгүүлч Жо Уильямсыг ажлаас нь халсан билээ.