Грек, Португаль, Мальта болон Словен улсын иргэдийн 95 хувиас илүү нь “авлига өөрийн оронд түгээмэл байгаа” гэж үзэж байгаа талаар мэдэгдлээ.
Лхагва гарагт нийтэлсэн санал асуулгын дүнгээс харахад Европын Холбооны гурван иргэн тутмын хоёр нь “авлига түгээмэл байгаа гэж үзэж байна” гэж хариулжээ.
Евробарометрийн судалгаа нь Европчуудын 68 хувь нь авлига түгээмэл байгаа гэж хариулсныг харуулсан бөгөөд хамгийн өндөр хувь нь Грекийн иргэдийн дунд (98 хувь), Португалд (96 хувь), Мальтад (95 хувь) болон Словенид (95 хувь) бүртгэгдсэн байна.
Хамгийн бага хувь нь Финланд (18 хувь), Дани (26 хувь) болон Люксембургт (43 хувь) бүртгэгдсэн байна. Европчуудын ойролцоогоор таван хүн тутмын нэг нь (27 хувь) өдөр тутмын амьдралдаа авлигатай тулгарч байсан, 75 хувь нь бизнес болон улс төрийн холбоо хэт ойр байх нь авлига дэлгэрэх нөхцөлийг бүрдүүлдэг гэж үзсэн байна.
Энэхүү санал асуулгын дүнг Европын Комиссын жил бүр эрхлэн гаргадаг “Rule of Law” тайланд нийтэлсэн бөгөөд тус тайланд Европын Холбооны гишүүн улсуудад хэрэгжүүлж буй авлигатай тэмцэх арга хэмжээг дүгнэжээ. 2024 оны тайланд "эрүүгийн хуулийн шинэчлэл" нь "авлигатай тэмцэх хөдөлгөөнд заналхийлэх магадлалтай" гэсэн анхааруулга өгсөн байна.
Тус санал асуулгаар Европын Холбооны ердөө дөрвөн улсад авлигын тархалт бага гэж үнэлэгджээ.
Евробарометрийн судалгаанд хамрагдсан хүмүүсийн дунд авлига “их" эсвэл "түгээмэл" байгаа гэж үздэг хүмүүсийн санал дйилэнх байна.
Эх сурвалж: https://europa.eu/eurobarometer/surveys/detail/3217
