“The MongolZ”-ынхон Европын багуудыг хожиж, аваргаар тодорлоо

Монголын электрон спортын холбооноос 100 мянган ам.долларын шагналын сантай “Nomadic masters” тэмцээн зохион байгуулав. Тус тэмцээний финалын тоглолт “Степпе арена”-д боллоо. Дээрх тэмцээнд Монголоос гурав, Европоос дөрөв, өмнөд хөршөөс нэг баг оролцсон юм. Алтан медалийн төлөө манайхаас “The MongolZ”-ынхон сингапур эзэнтэй, Европт төвтэй “Bleed esports” багийнхантай тоглосон. Хоёр баг өмнө нь дээд бүсийн финалд ч таарч байсан тул тэмцээний уур амьсгал өрсөлдөөнтэй байв. Эхний тоглолтод “Bleed esports”-ынхон хожиж, хоёр дахид “The MongolZ”-ынхон ялалт байгууллаа. Гурав дахь тоглолтод манай хоёр тоглогч “Bleed es¬ports”-ынхонд ялах боломж өгсөнгүй. Дөрөв дэх тоглолтод “The MongolZ”-ынхон эсрэг багийнхныг 3:1-ээр илүүрхэж түрүүллээ. Тэд “Gaimin gladiators”, “Aurora”, “Bleed” зэрэг Европын багийг буулган авч, аваргаар тодорсноор 50 мянган ам.долларын эзэн болов. Үзүүрлэсэн “Bleed esports”-ынхон 25, III байр эзэлсэн “Aurora”-гийн тоглогчид 15 мянган ам.доллароор шагнуулжээ.