Чингэлтэй дүүргийн 20 дугаар хороо, Баянхошууны шинэ буудалд “Миний” дэлгүүрийн агуулахад гал гарч байна гэсэн дуудлага өнөөдөр буюу дөрөвдүгээр сарын 08-ны өдрийн 10:28 цагт иржээ. Дуудлагын дагуу нийслэлийн Аврах анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, СХД-ийн Онцгой байдлын хэлтсийн Гал түймэр унтраах, аврах 29, 26 дугаар ангийн алба хаагчид үүрэг гүйцэтгэж байна.
Харамсалтай нь, гал түймрийг унтраахаар ажиллаж байгаа нэг алба хаагч амиа алджээ. Мөн нэг алба хаагч бэртэж, хоёр алба хаагч угаартаж, эмнэлэгт хүргэгджээ.
