Лос Анжелес хотноо хүндэт “Оскарын” шагнал гардуулах ёслол боллоо.
"Бүх насаараа кино урлагт зүтгэж, гарамгай амжилт гаргасан, кино урлагыг хөгжүүлэхэд оруулсан онцгой хувь нэмэр, академид нэр хүндтэй ажилласан" хүнд олгодог хүндэт “Оскар”-ын шагналыг гардуулах 14 дэх удаагийн ёслол АНУ-ын Лос Анжелес хотноо мягмар гарагт боллоо.
Уг ёслол өнгөрсөн оны 11-р сарын 18-ны өдөр болох ёстой байсан ч Холливудын уран бүтээлчдийн / жүжигчид, кино зохиолчид/ ажил хаялтаас болж хойшлогдсон юм.
Хүндэт “Оскар”-ыг 97 настай найруулагч Мел Брукс, жүжигчин Анжела Бассетт, монтажчин Кэрол Литтлтон нар хүртсэн байна.
Мел Брукс нь”Залуу Франкенштейн”, “Сансрын өгдөг, “Гялалзсан эмээл” зэрэг киногоороо алдаршсан уран бүтээлч юм. Тэрбээр 1969 онд "Продюсер" киноны зохиолоороо Оскарыг хүртэж байжээ.
Анжела Бассетт дуучин Тина Тернерын амьдралын тухай киноны гол дүрд тоголсноороо үзэгчдэд танигдсан.
Тэрбээр "Хайр юу хийж чадах вэ" (1994 онд), "Хар ирвэс: Ваканда үүрд" (2023 онд) киноны дүрээрээ Оскарт хоёр удаа нэр дэвшиж байжээ.
