Бүгд Найрамдах Чех Улсын Боловсрол, Залуучууд, Биеийн тамирын яамнаас их, дээд сургуулийн багшийн чадавхийг нэмэгдүүлэх, туршлага солилцох зорилгоор БНЧУ-д зохион байгуулагддаг 1 сарын хугацаатай Багш солилцооны хөтөлбөрөө зарлажээ.
Тэтгэлэгт сургалтын төлбөр, амьжиргааны зардал, дотуур байр болон өглөө, өдөр, оройн хоол багтах аж. Харин тэтгэлэгт дараах зүйлс багтахгүй болохыг анхаарна уу.
Үүнд олон улсын тээврийн зардал, виз олголттой холбоотой зардал, даатгал хамаатай.
Багш нараас дээд боловсролын байгууллагад багшаар ажилладаг байх, англи хэлний В2 түвшний мэдлэгтэй байхыг шаардах аж.
Зуны сургалттай холбоотой дэлгэрэнгүй мэдээллийг БНЧУ-ын Боловсрол, залуучууд, биеийн тамирын яамны цахим хуудас болох https://www.msmt.cz/ -аас авах боломжтой.
