Нэмэгдсэн Өртгийн Албан Татвар (НӨАТ)-ын урамшууллын сугалааны тохирол дөнгөж сая боллоо. Энэ удаагийн тохиролд 2023 оны аравдугаар сарын 1-31-нд худалдан авалт хийж, цахим системд бүртгүүлсэн 44,553,405 баримтыг оролцуулсан юм.
Тохирлын дүн:
- 3 орон таарсан /30,000-60,000 төгрөг/: 39,969
- 4 орон таарсан /40,000-100,000/: 3,957
- 5 орон таарсан /60,000-500,000 төгрөг/: 374
- 6 орон таарсан /100,000- 5 сая төгрөг/: 40
- 7 орон таарсан /500,000- 10 сая/: гурав
- 8 орон таарсан нэг супер азтан тодорч 30 сая төгрөгийн эзэн болж байна.
Иргэд өөрийн байгаа газраасаа ebarimt аппликэйшнээр сугалааны тохирлыг шууд хүлээн авах боломжтой. Энэ удаагийн сугалааны тохирлын онцлог нь иргэдийн гар утсанд тохирлын мэдээллийг тухай бүр дамжуулж, супер ялагч тодруулсан явдал байлаа. Өнөөдөр нийт 60,000-500,000 төгрөгийн 374 азтан тодорлоо.
