Нийслэлийн 384 жилийн ойг угтан дүүргүүдийн 48 хог тээвэр, зам цэвэрлэгээний аж ахуйн нэгж байгууллагын 1900 гаруй жолооч, ачигч, зам талбайн үйлчлэгч, 250 иргэдийн бүлгийн үйлчлэгчид уртасгасан цагаар цэвэрлэгээ үйлчилгээний ажлыг хийж байна.
аравдугаар сарын 21-ний өдөр Төвлөрсөн хогийн 3 цэгт нийт 351 машин 693 рейсээр 2494 тн хог хаягдал хүргэгдсэн. Нарангийн энгэрийн цэгт 151 машин 344 рейсээр 1498 тн, Цагаан давааны цэгт 145 машин 234 рейсээр 549 тн, Морингийн давааны цэгт 55 машин 115 рейсээр 447 тн хог хаягдал хүргэгдсэн.
Аяны хүрээнд хог тээвэрлэлтийг эрчимжүүлэн шөнийн цагаар хогийн цэгүүд болон ил задгай үүссэн хог хаягдлыг тээвэрлэх хуваарь гарган 20-21-нд шилжих шөнө төвийн 6 дүүрэгт 441 машин 1021 рейсээр 3996 тонн хог хаягдлыг тээвэрлэв.
Баянгол дүүрэг Намрын их цэвэрлэгээнд Баянгол шинэчлэл өргөө ОНӨААТҮГ, Гэр бүл хүүхэд залуучуудын хэлтэс, Хүүхдийн зөвлөл, Охидын зөвлөл, Хөвгүүдийн зөвлөл, Өсвөрийн улаан загалмайн зөвлөл зэрэг нийт 138 хүний бүрэлдэхүүнтэй Занабазар, Жасрай, Замчдын гудамжинд хувиарлагдан цэвэрлэгээ хийж гүйцэтгэж байна.
