"Ханжоу 2022" Азийн наадмын чөлөөт бөхийн эрэгтэйчүүдийн 97 кг-д ур чадвараа сорьсон Г.Ганхуяг Казахстаны Алишер Ергалитай-г 8:1-ээр ялсанаар хүрэл медалийн эзнээр тодорлоо.
Эрэгтэйчүүдийн 97 кг-д Г.Ганхуягтай эхний тойрогт Вьетнамын лам Ван Нгог барилдах байсан ч гарч ирээгүй тул шууд манай тамирчинг ялсанд тооцов. Улмаар хагас шигшээд Ираны Можтаба Голейжид 2:4-өөр дийлдсэн ч дагах барилдаанд Узбекистаны Магомед Ибрагимовыг оноогоор цэвэр ялсан. Улмаар хүрлийн төлөө Казахстаны Алишер Ергалитай хүч үзэж, хүрэл медалийн болзол хангалаа.
Эх сурвалж: МҮОХ
