Малайзад жижиг оврын Beechcraft-390 онгоц хурдны зам дээр унаж, наад зах нь 10 хүн нас баржээ.
Цагдаа нарын мэдээлснээр хэрэг явдал баруун зүгийн Селангор мужид, Шах Алам хотын ойролцоо болсон байна.
Онгоц ослын газраас арав орчим километрийн зайд байрлах Субанг нисэх онгоцны буудал руу Лангкави амралтын арлаас орон нутгийн нислэг үйлдэж байжээ.
Онгоцны хоёр нисгэгч, зургаан зорчигч, мөн авто зам дээр явж байсан машин болон мотоциклийн жолооч нар амь үрэгджээ. Мөргөлдөөний улмаас гал гарсан байна.
