Хилийн цэргийн 0108 дугаар ангийн 0317 дугаар салбарын байлдагч О.Төмөрсүх, М.Чимэд-Очир нарыг гал түймрийн аюулаас урьдчилан сэргийлж ажилласныг үнэлж Дорноговь аймгийн Онцгой байдлын хэлтсээс талархал илэрхийлж шагналаа.
Тодруулбал, зургаадугаар сарын 07-08-нд шилжих шөнө 03.00 цагийн үед манаанд үүрэг гүйцэтгэж байх үед нь Дорноговь аймгийн Замын-Үүд сумын онцгой объект буюу дулааны цахилгаан станцад гал гарч байхыг харан, Онцгой байдлын хэлтэст шуурхай дуудлага өгснөөр аймаг орон нутагт учирч болзошгүй эрсдэлээс урьдчилан сэргийлсэн байна. Хилчин байлдагч нартаа цаашдын алба, амьдралд нь сайн сайхан бүхнийг хүсье.
