Монголын анхны эрчүүдэд зориулсан сэтгэл зүйн үйлчилгээ үзүүлэх төв нээв. Тодруулбал, Чингэлтэй дүүргийн Гэр бүл, хүүхэд, залуучуудын хөгжлийн хэлтсийн дэргэд зөвхөн эрэгтэй хүмүүст сэтгэл зүйн зөвлөгөө, үйлчилгээ үзүүлдэг “Бид хамтдаа” жишиг төв үйл ажиллагаа явуулж байна.
Энэхүү төвөөс ганцаарчилсан болон найз нөхөд, баг хамт олноороо сэтгэл зүйн зөвлөгөө, үйлчилгээ авахаас гадна сэтгэл зүйн болон амьдрах ухааны сургалт авч болох юм байна.
“Бид хамтдаа” төвөөс ажлын бүтээмж муудах, гэр бүлийнхэнтэйгээ үл ойлголцох, стрессдэж бухимдах, санаа зовних гээд өөрт тулгарсан асуудал болон ажил, амьдралаа илүү бүтээмжтэй, ахиц дэвшил, амжилттай авч явахыг хүсэж байгаа эрчүүд хандан сэтгэл зүйн зөвлөгөө, үйлчилгээ авах боломжийг бүрдүүлжээ.
