Оюутнууд өөрсдөө санаачилга гарган, автобусны буудал, нүхэн гарц зэргийг угааж байгаа мэдээллийг ҮБХИС-ийн Аюулгүй байдлын дээд сургуулийн оюутан Эрхэмбаяр цахим сүлжээнээс олж харжээ. Үүнээс санаа авч хүүхдийн тоглоомын талбайг угаах санаачилга гаргаж бусад оюутнууд ч дэмжин тэнхимээрээ 16 дугаар хороонд байрлах бүх тоглоомын талбайг өнөөдөр угаалаа.
Урин дулаан цаг ирж, хүүхдүүд чөлөөт цагаа гэрийнхээ гадна тоглоомын талбайд өнгөрүүлж байна. Гэтэл ихэнх тоглоомын талбай бохирдолтой байгаа учраас цэвэрлэж, хүүхдүүддээ ээлтэй орчин бий болгохоор шийдсэн байна.
