Дэлхийн эрүүл мэндийн байгууллагаас 2021 онд гаргасан “Яаралтай тусламжийн багийн ангилал, стандарт”-ыг Монгол Улсад нутагшуулах, болзошгүй гамшиг, нийгмийн эрүүл мэндийн ноцтой байдал үүссэн үед голомтын хүрээний хүн амыг эрэн хайх, аврах, яаралтай тусламжийг цаг алдалгүй үзүүлэх тусламжийн үндэсний баг байгуулах зорилгоор ЭМЯ, ОБЕГ, ГССҮТ, ДЭМБ хамтран үндэсний багийг чадавхжуулах “Яаралтай тусламжийг яг цагт нь” сургалтыг энэ сарын 27-31-ний өдрүүдэд зохион байгуулж байна.
Сургалтад ЭМЯ, ОБЕГ, ЭМДЕГ, Эм эмнэлгийн хэрэгслийн хяналт, зохицуулалтын газар, төрөлжсөн мэргэшлийн эмнэлэг, тусгай мэргэжлийн төв, НЭМГ-ын асуудал хариуцсан ажилтнууд хамрагдаж байгаа юм.
