"Нандин цэцэгс" гоёл чимэглэлийн болон тасалгааны цэцэгсийн сургалт эхэллээ. 2023 оны гуравдугаар сарын 24-27-ны хооронд үргэлжлэх эл сургалт үнэ төлбөргүй бөгөөд сонирхсон бүхэн оролцож, мэдлэгээ тэлэх боломжтой. Сургалт "Гоёл чимэглэл, тасалгааны ургамлын өвчин, хортон шавьжийг хэрхэн таних, тодорхойлох, тэмцэх арга", "Гоёл чимэглэл, тасалгааны ургамлын арчилгаа, хөрс бэлтгэх, бордооны ач холбогдол" зэрэг танин мэдэхүйн хүрээнд өрнөж, доктор, профессорын зэрэгтэй багш нар хичээл заана.
Үүнээс гадна дээрх өдрүүдэд цэцэгсийн үзэсгэлэн, худалдаа зохион байгуулж буй. Үзэсгэлэнд оролцогчдын дунд “ЗӨВ УРГАЛТТАЙ, ҮЗЭМЖ ТӨГС ЦЭЦЭГ”-ийн эздийг шалгаруулж, эхний гурван байрыг урамшуулах юм. Энэхүү сургалт, үзэсгэлэн худалдааг Ургамал хамгааллын эрдэм шинжилгээний хүрээлэн Байгалийн түүхийн музей, Дэлхий ээжийн өгөөмөр өгөөж сан хамтран зохион байгуулж буй.
