Хилийн цэргийн 0198 дугаар анги Хил хамгаалах байгууллага үүсч хөгжсөний 90 жилийн ойг угтаж, анги байгууллагын үйл ажиллагааг сурталчилах зорилгоор Зэвсэгт хүчний 329 дүгээр тусгай салбартай хамтран Дорнод аймгийн Халхгол сумын албан байгууллагуудын дунд “Марш тактик 2023” тэмцээн зохион байгууллаа.
Тэмцээнд нийт 7 байгууллагын 8 баг тамирчид оролцож, урлагийн мэндчилгээ, биеийн тамир, ҮОХЗХБ-ийн бэлтгэл, галын бэлтгэл, 3 км-ийн марш гэсэн төрлүүдээр 2 өдөр өрсөлдөж, нийлбэр дүнгээр Ерөнхий боловсролын сургуулийн 1 дүгээр баг “Тэргүүн” байр эзэлж, цомын эзэд боллоо. Тэгвэл Нөмрөгийн дархан цаазат газрын баг “Дэд” байр, Орон нутгийн өмчит газрын баг “Гутгаар” байрт тус тус шалгаржээ.
