Өнөөдөр гадаа -10 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Нэгдүгээр сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 20 дахь өдөр бөгөөд он дуусахад 345 хоног үлдлээ.
- Цаг агаар өдөртөө -19 хэмийн хүйтэн бол шөнөдөө -31 градус хүйтэн байх нь ээ.
- Билгийн тооллын 28, Сугар гараг. Суулга одтой шар бар өдөр. Өдрийн наран 8 цаг 34 минутад мандан, 17 цаг 32 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Үс шинээр үргээлгэх буюу засуулбал хэрүүл тэмцэл ирнэ.
- Валют арилжааны төвд ам.долларын авах ханш 3470.00 төгрөг, зарах нь 3475.00 төгрөг байна. Харин рублийн авах ханш 48.00, зарах ханш 48.80, юанийн авах ханш 510.50, зарах ханш 513.00, вонийн авах ханш 2.83, зарах ханш 2.86 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны нотлох баримтыг шинжлэн судлах сонсгол 5 дахь өдрөө үргэлжилнэ.
- 10.00 цагт Уран зургийн галларейд "Монголын сайхан бичигтэн-2022" улсын 26 дахь уралдааны шагнал гардуулах ёслол, шилдэг бүтээлүүдийн үзэсгэлэнгийн нээлт болно. Ёслолд Монгол Улсын Ерөнхийлөгч У.Хүрэлсүх оролцоно. Шилдэг бүтээлийн үзэсгэлэн 7 хоног үргэлжилнэ.
- 10.00 цагт УИХ-ын чуулганы нэгдсэн хуралдаан болно.
- 09.00-11.00 цагт Нийслэлийн “Хангарди” ордонд Хавдартай тэмцэх дэлхийн өдрийг угтан, Монголын эрүүл мэндийн сэтгүүлчдийн “Цагаан үзэг” холбооноос сэтгүүлчдийн мэргэжлийн өсөлт, хөгжлийг дэмжих зорилгын хүрээнд "Архи, тамхины хэрэглээ ба хавдар" сэдэвт уулзалт, сургалт зохион байгуулна. Утас: 99106-580, 8802-3206.
- 11.30 цагт Соёлын төв өргөөнд Өмнөд Судан улсад явагдаж буй НҮБ-ын энхийг сахиулах "UNMISS" ажиллагаанд үүргээ нэр төртэй гүйцэтгэсэн Монгол Улсын Зэвсэгт хүчний 11 дүгээр ээлжийн мотобуудлагын батальоны бие бүрэлдэхүүнд төрийн одон, медаль, Батлан хамгаалах салбарын шагнал гардуулах ёслолын ажиллагаа болно. Утас: 8609-4455, 8912-5099.
- 12.00 цагт Монголын Театрын музейд Завхан аймгийн зохиолч уран бүтээлчдийн "Мөнх Огторгуйн чимэг" төвийн "Огторгуйн чимэг" шүлэг, бүтээлийн үзэсгэлэн нээгдэнэ. Утас: 8900-8781, 8865-5161, 8695-6886.
- 13.00 цагт нийслэлийн “Хангарди” ордонд Улаанбаатар хотын ерөнхий менежер бөгөөд Захирагчийн ажлын албаны дарга олон нийтэд мэдээлэл өгнө. Утас: 9903-7310.
- 11.00 цагт "Тавантолгой түлш" ХХК-иас шахмал түлшний чанар, технологи, орц найрлага, үйлдвэрлэлийн шат дамжлагын талаар танилцуулах нээлттэй уулзалт Налайх дүүрэгт байрлах зүүн үйлдвэрт болно. Унаа нэгдсэн журмаар 10.00 цагт “Гутлын-22” буюу “Өглөөний” гудамжнаас хөдөлнө. Утас: 8802-8646, 9999-1116.
- 11.30 цагт “ЗМ” сонины “Үндэсний мэдээллийн төв”-д хөгжлийн бэрхшээлтэй иргэдийг асарч байгаа асран хамгаалагчдын төлөөллөөс Засгийн газарт шаардлага хүргүүлж, хэвлэлийн бага хурал зарлажээ.
- 11.40 цагт “Шинэ 100 айл” барилгын материалын төвд үндэсний үйлдвэрлэгчдийн "Амар байна уу? " сар шинийн баярын нэгдсэн өргөтгөсөн үзэсгэлэн худалдаа гарч эхэллээ.
Энэ өдөр дэлхийн түүхэнд:
- 1971 оны энэ өдөр сүмогийн 66 дахь ёкозүна Ваканохана Масарү мэндэлжээ.
- 1931 оны энэ өдөр "Гели-3 дахь хэт урсагчийг нээсэн АНУ-ын физикч Дэвид Ли мэндэлж байжээ.
- 2016 онд Пакистанд "Bacha Khan" их сургуульд дэлбэрэлт болж, 21 хүн амь насаа алдаж, 50 хүн бэртэж гэмтжээ.
