Өнөөдөр гадаа 18 хэм хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 354 дахь өдөр бөгөөд он дуусахад 11 хоног үлдлээ.
- Цаг агаар өдөртөө 18 хэм хүйтэн бол шөнөдөө 27 хэм хүйтэн байх нь ээ.
- Билгийн тооллын давхарласан 17, Хонгорцог одтой, улаагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн, тахиа бич жилтнээ сөрөг нөлөөтэй. Үс шинээр үргээлгэх буюу засуулахад өлзийтэй сайн.
- Манай улсын голлох валют болох ам.долларын ханш авах нь 3448.00 зарах нь 3452.00 төгрөгтэй тэнцэж байгаа бол бусад валют болох рубль авах нь 51.80, зарах нь 52.50, харин авах нь юань 491.00, зарах нь 495.00, вон авах нь 2.65, зарах нь 2.67 төгрөг байна.
Өнөөдөр болох онцлох үйл явдлууд
- 10.00 цагт Новотел зочид буудал хөдөлмөр эрхлэх явцдаа бэлгийн мөлжлөгт өртсөн хүүхдүүдийн талаар мэдээлэл хийнэ.
- 11.00 цагт Зууны мэдээ сонины байранд "Арвис" энтернейшнл ХХК-аас ЭМЯ шүүхийн шийдвэрийн дагуу гэрээний үүргээ биелүүлэхгүй байгаа асуудлаар мэдээлэл хийнэ.
- 12.00 цагт "Балдорж" шагналт бүтээлийн шүүмжийн уралдааны ялагчийг тодруулна
- 14.00 цагт Улсын Драмын Эрдмийн Театаас "Бид мартахгүй" хэвлэлийн бага хурал зохион байгуулна.
Энэ өдөр дэлхийн түүүхэнд:
- Өнөөдөр Олон улсын хүний эв санааны нэгдлийн өдөр тохиож байна.
- 1995 онд НАТО Босни ба Херцеговинагийн Холбооны Улсад энхийг сахиулах үйл ажиллагаа явуулж эхэлжээ.
- 2007 онд II Элизабет хатан хаан Их Британийн хамгийн урт насалсан хатан хаан болжээ. Түүнээс өмнө Викториа хатан хаан 81 жил 7 сар 29 хоног амьдарснаараа хамгийн урт насалсан хатан хаан болж байжээ.
- 1999 онд Португал улс Макаог БНХАУ-д эргүүлэн өгчээ.
