Өнөөдөр гадаа -20 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 345 дахь өдөр бөгөөд он дуусахад 20 хоног үлдлээ.
- Цаг агаар өдөртөө -20 хүйтэн бол шөнөдөө -30 градус хүйтэн байх нь ээ.
- Билгийн тооллын 19, Сумъяа гараг. Найралт эх-7 одтой, шарагчин гахай өдөр. Өдрийн нар 08.31 цагт ургаж, 16.59 цагт шингэнэ Өдрийн сайн цаг: Гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой. Үс бүү засуул модон хохимой өдөр тул муу цээрлэвэл зохилтой. Хол газар явагсад урд зүгт мөрөө гаргавал зохистой. Туулай, хонь, гахай, нохой жилтнээ аливаа үйлийг хийхэд эерэг сайн. Харин могой жилтнээ сөрөг муу.
- Манай улсын голлох валют болох ам.долларын ханш авах нь 3442.00, зарах нь 3445.00 төгрөгтэй тэнцэж байгаа бол бусад валют болох юань авах нь 492.00, зарах нь 495.00 төгрөг, рубль авах нь 52.30, зарах нь 53.20 төгрөг, вон авах нь 2.65, зарах нь 2.68 төгрөг байна.
Өнөөдөр болох онцлох үйл явдлууд:
- Төв талбайд нүүрсний хулгайг эсэргүүцсэн жагсаал 9 дэх өдрөө үргэлжилнэ
- 09.00 “Хавдаргүй үрс” үндэсний хоёрдугаар зөвлөгөөн болох гэж байна. Тус зөвлөгөөн Миллениум плазад болно. Утас 89119482
- 11.30 цагт НҮҮРСНИЙ ХУЛГАЙН асуудлаар Эрдэнэс тавантолгой компани дээр 1072 хувьцаа эзэмшигчдийн төлөөлөл НОЦТОЙ МЭДЭЭЛЭЛ / хэвлэлийн хурал/- хийнэ.
Энэ өдөр дэлхийн түүүхэнд:
- Өнөөдөр ОХУ-д Үндсэн хуулиа баталсны өдөр тохиож байна.
- 1990 онд Big Bang хамтлагийн Seungri мэндэлжээ.
- 1963 онд Кения улс Их Британийн колоничлолоос гарч, тусгаар тогтнолоо олж авчээ.
- 1964 онд Кения улсын Ерөнхий сайдаар ажиллаж байсан Jomo Kenyatta тус улсын анхны Ерөнхийлөгчөөр сонгогдож байжээ.
- 2012 онд Хойд Солонгос улс анхны сансрын хиймэл дагуулаа амжилттай хөөргөж байжээ.
