Өнөөдөр гадаа -6 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 325 дахь өдөр бөгөөд он дуусахад 40 хоног үлдлээ.
- Цаг агаар өдөртөө -6 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 28, Сумъяа гараг. Тэргүүн дагуул одтой шар бар өдөр. Өдрийн наран 8 цаг 07 минутад мандан, 17 цаг 09 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Үс шинээр үргээлгэх буюу засуулбал хэрүүл тэмцэл ирнэ.
- Валют арилжааны төвд голлох валют болох ам.долларын ханш авах нь 3438.00, зарах нь 3443.00 төгрөгтэй тэнцэж байгаа бол бусад валют болох рубль авах нь 53.80, зарах нь 54.10, юань авах нь 481.00, зарах нь 485.00, вон авах нь 2.60, зарах нь 2.62 төгрөг байна.
Өнөөдөр болох онцлох үйл явдлууд:
- 10.00 цагт 29-р сургуулийн хохирсон багш нар сургуулийнхаа гадна мэдээлэл хийнэ. Сургуулийн удирдлага шаардлага тавьсан багшийн биед халдаж, багш, сурагчдад ажлын байрны дарамт үзүүлж, эрхийн зөрчил гаргажээ.
- 10.00 цагт Хотын стандартын үр нөлөө, ач холбогдлыг иргэд, олон нийт, барилгын үйл ажиллагаа эрхлэгч аж ахуй нэгж, байгууллагуудад сурталчлан таниулах зорилготой "Барилгын аюулгүй орчин" сэдэвт зөвлөгөөн Яармаг дахь шинэ Хангардид болно. Утас: 88021051
- 10.00 цагт Онцгой байдлын ерөнхий газраас “Дэлхийн Зөн Монгол” ОУБ-тай хамтран АНУ-ын Олон улсын хөгжлийн агентлагийн хүмүүнлэгийн тусламж үзүүлэх товчооны санхүүжилтээр 2020-2022 онд хэрэгжүүлсэн “Гамшигт тэсвэртэй орон нутаг” төслийн хаалтын ажиллагаа “Холидэй инн” зочид буудлын хурлын танхимд (3 давхарт) болох тул эрхэм сэтгүүлч та бүхнийг хүрэлцэн ирэхийг урьж байна.
- 12.00 цагт Хэвлэлийн хүрээлэнд "Барилгын компаниуд гэрээний үүргээ биелүүлэхгүй зуу зуун айлуудыг хохироосоор байх уу" сэдвээр хохирогчид мэдээлэл хийнэ.
Энэ өдөр дэлхийн түүхэнд:
- Өнөөдөр Дэлхийн зурагтын өдөр тохиож байна.
- Дэлхийн телевизийн анхны чуулган (World Television Forum) 1996 онд болж байжээ.
- 2002 онд НАТО Болгар, Эстон, Латви зэрэг улсыг нэгдэх санал тавьж байжээ.
- 2009 онд Хятадын Heilongjiang мужид амиа золиослогчдын дэлбэлсэн тэсрэх бөмбөгнөөс болж 108 хүн амь насаа алджээ.
