Боловсрол, шинжлэх ухааны сайдын тушаалын дагуу элсэлтийн ерөнхий шалгалтыг энэ оноос эхлэн жилд хоёр удаа зохион байгуулахаар болсон билээ. Үүний дагуу энэ жилийн хоёр дахь элсэлтийн шалгалтыг ирэх арванхоёрдугаар сарын 16-19-нд зохион байгуулахаар товлосон байна. Шалгалтын бүртгэлийг өчигдөр 15.00 цагаас орон даяар эхлүүлэв. Бүртгэл ирэх сарын 21-ний 18.00 цаг хүртэл үргэлжлэх бөгөөд өнгөрсөн хавар болон өмнөх жилүүдэд ерөнхий боловсролын сургууль төгсөгчид үүнд хамрагдах боломжтойг Боловсролын үнэлгээний төвөөс мэдээллээ. Харин өдгөө 12 дугаар ангид суралцаж буй хүүхдүүдийг оролцуулах боломжгүй аж. Уг шалгалтыг жилд хоёр удаа авдаг болсноор өмнө нь хамрагдсан хүүхдүүд оноогоо ахиулах, эсвэл дахин их, дээд сургуульд суралцах боломж бүрдэж буйг дээрх байгууллагынхан тодотгосон.
Шалгалтад оролцогчид eyesh. eec.mn цахим хуудсанд нэвтрэн бүртгүүлнэ. Ингэхдээ шалгалт өгөх газраа сонгох эрхтэй юм байна. Хураамжийн хувьд хичээл тус бүрийн шалгалт 5800 төгрөг байх нь. Оролцогчдын авсан оноог шалгалт дууссанаас хойш 24 цагийн дотор гаргах гэнэ.
10.00-11.40
- Монгол хэл, бичиг
13.00-14.20
- Түүх
16.30-17.50
- Англи хэл
10.00-11.40
- Хими
13.00-14.20
- Газар зүй
16.30-17.50
- Нийгэм судлал
10.00-11.40
- Биологи
14.00-14.40
- Математик
10.00-11.40
- Физик
13.00-14.20
- Орос хэл
16.00-17.20
- Монгол хэл
Бэлтгэсэн М.Оч
