Өнөөдөр гадаа 7 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр жилийн 290 дахь (өндөр жил бол 291 дэх) өдөр юм. Мөн он дуустал 75 өдөр үлдэж байна.
- Цаг агаар өдөртөө 7 хэмийн дулаан бол шөнөдөө -7 градус хүйтэн байх нь ээ.
- Билгийн тооллын давхарласан 22, сумъяа гараг. Өдрийн наран 07. 12 цагт мандаж, 18.01 цагт жаргана. Өнөөдөр хонь, гахай жилтнээ сайн. Үс засуулахад идээ ундаа элбэг ирнэ хэмээжээ.
- Манай улсын голлох валют болох ам.долларын ханш авах нь 3415.00, зарах 3430.00 төгрөгтэй тэнцэж байгаа бол бусад валют болох рубль авах нь 51.20, зарах нь 52.80, юань авах нь 476.00, зарах нь 480.00, вон авах нь 2.43, зарах нь 2.47 төгрөг байна.
Өнөөдөр болох онцлох үйл явдлууд:
- 09.00 цагт Эрүүл мэндийн “Сүхбаатар” сувилалад “Мишээл” хүүхдийн сангийн дэргэдэх мэргэжлийн эмч нарын баг 16 хүртэлх насны хүүхдүүдэд шүдний үнэ төлбөргүй оношилгоо, үзлэг хийнэ.
- -УИХ дахь МАН, АН-ын бүлгүүд хуралдана.
- 10.30 цагт Төрийн ордны чуулганы танхимын үүдэнд АН-аас УИХ-ын дарга Г.Занданшатар, Ерөнхий сайд Л.Оюун-Эрдэнэ нарт албан шаардлага хүргүүлж мэдээлэл хийнэ.
- 11.00 цагт ҮСХ-ноос 9 дүгээр сарын нийгэм, эдийн засгийн статистик үзүүлэлтийг танилцуулна.
- 11.00 цагт: Хангарьд ордонд нийслэлд цэрэг татлагыг зохион байгуулж буй талаар хэвлэлийн бага хурал болно. Утас: 99830662.
- 12.00 цагт “Үндэсний мэдээллийн төв”-д ОХУ-ын Буриад улсын Намсрайевын нэрэмжит Драмын эрдмийн театрын аялан тоглолтын талаар мэдээлнэ. Хэвлэлийн бага хуралд ОХУ-ын Буриад улсын Ардын болон Гавъяат жүжигчин, нэрт найруулагч Олег Юмов, Саян Жамбалов нар оролцоно.
- 18.00 цагт “Улаанбаатар” олон улсын кино наадмын 14 удаагийн нээлт болно.
Энэ өдөр дэлхийн түүхэнд:
- 1346 - Нэвиллс Кроссын тулалдаан: Шотландын ван II Давид Дарэмын ойролцоо англичуудад олзлогдож, Лондоны цамхагт 11 жил хоригджээ.
- 1604 - Кеплерийн супернова: Германы сансар судлаач Иоханнэс Кеплер Тэнгэрийн заадас дахь Могой тоглуулагчийн орд дотор супернова ажиглав.
- 1738 - Оросын эрдэмтэн Михаил Ломоносов Марбург хотоос Петербург уруу “Хатуу биет шингэн хэлбэрт орох нь” хэмээх өгүүллээ илгээжээ.
- 1740 - Витус Берингийн Аугаа Умрын экспедицийнхэн Петропавловск-Камчатский хотын шавыг тавьжээ.
- 1831 - Физикч Майкл Фарадей цахилгаан соронзон индукцийг нээжээ.
- 1855 - Английн оршин суугч Хэнри Бессемер ган хайлш бэлтгэх арга зүйг боловсруулан зохиогчийн эрх авчээ.
- 1869 - "Нью-Йорк Хералд" сонины захиалгаар Хэнри Мортон Стэнли хэмээх сэтгүүлч Африкт очоод ор сураггүй болсон Дэвид Ливингстоны судалгааны багийнхныг хайж ажлаа эхэлжээ.
- 1888 - Харьков хотын орчимд галт тэрэгний осол болжээ.
- 1902 - АНУ-ын Детройт хотод "Кадиллак" загварын анхны автомашин үйлдвэрээс гарчээ.
