Эрдэнэбүрэнгийн УЦС-ын барилга угсралтын бэлтгэл ажлын хүрээнд Ерөнхий гүйцэтгэгч “Пауэр Чайна- Чэнгдү” ХХК-ий Увс аймгийн Өмнөговь сумын нутаг дэвсгэр “Шижигтийн хавцал” гэх газарт ажиллах явцад нутгийн иргэдээс эсэргүүцэл үзүүлсэн. Эл үйлдлийг хууль бус хэмээн үүзэж шалгасан байна. Улмаар Монгол Улсын Зөрчлийн тухай хуулийн 5.8 дугаар зүйлд зааснаар Зөрчил шалган шийдвэрлэх ажиллагаа явуулж иргэн Б, Л, О, Б нарын 4 иргэнийг Зөрчлийн тухай хуулийн 5.8 дугаар зүйлийн 3 дахь хэсэгт зааснаар тус бүр 150 нэгжээр торгож зөрчлийн гомдол, мэдээллийг хялбаршуулсан журмаар шийдвэрлэсэн аж. Шалгалтын явцад Увс аймгийн Өмнөговь сумын албан тушаалтан “Д” нь Эрүүгийн хуулийн 22.1 дүгээр зүйлд заасан “Эрх мэдэл, албан тушаалын байдлаа урвуулан ашиглах” гэмт хэргийн шинжтэй үйлдэл тогтоогдсон тул харьяаллын дагуу Авилгатай тэмцэх газарт шилжүүлэх саналтайгаар Увс аймгийн прокурорын газарт энэ оны аравдугаар сарын 10-ны өдөр хүргүүлсэн. Дээрх шалгалтын явцад иргэдийг шөнийн цагаар саатуулж, шалгаагүй гэдгээ ЦЕГ-аас мэдээлэв.
