Өнөөдөр гадаа 12 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 283 дахь өдөр бөгөөд он дуусахад 82 хоног үлдлээ.
- Цаг агаар өдөртөө 12 хэмийн дулаан бол шөнөдөө -4 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 16. Сумъяа гараг. Дэлгэрүүлэгч одтой, найман цагаан мэнгэтэй улаан бич өдөр. Өдрийн наран 7 цаг 04 минутад мандан, 18 цаг 15 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийгэх, биеийн тамирыг сэргээх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урд мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- Валют арилжааны төвд ам.долларын авах ханш 3460.00 төгрөг, зарах нь 3480.00 төгрөг байна. Харин рублийн авах ханш 53.60, зарах ханш 54.20, юанийн авах ханш 484.00, зарах ханш 487.00, вонийн авах ханш 2.46, зарах ханш 2.50 төгрөг байна.
Өнөөдөр болох онцлох үйл явдлууд:
- 09.00 цагаас: УИХ-ын дарга Г.Занданшатар Канад Улсын Парламентын Сенатын тaнхимын дарга эрхэмсэг ноён Жорж Ж.Фюри-г Сүхбаатарын талбайд хүндэтгэн угтана. Улмаар хоёр улсын парламентын дарга нар хэлэлцээ хийнэ. Мөн өдөр Канад Улсын Парламентын Сенатын танхимын дарга Жорж Ж.Фюри Монгол Улсын Ерөнхийлөгч У.Хүрэлсүхэд бараалхаж, Монгол Улсын Ерөнхий сайд Л.Оюун-Эрдэнэ болон Засгийн газрын зарим гишүүд Канад Улсын Парламентын Сенатын танхимын дарга Жорж Ж.Фюрид бараалхана.
- 10.00 цагаас: УИХ дахь МАН, АН-ын бүлгүүд хуралдана.
- 10.00 цагаас: "Чингис хаан" музейн нээлтийн талаар хэвлэлийн бага хурал тус музейн 5 давхарт болно.
- 10:30 цагт: Ард түмний хурлыг хуралдуулах шаардлагын талаар иргэдийн төлөөлөл “ҮНДЭСНИЙ МЭДЭЭЛЛИЙН ТӨВ”-д мэдээлэл хийнэ.
- 11:00 цагт: Дорноговь аймгийн Улаанбадрах сумын малчин Д.Норсүрэн болон иргэд“МОНГОЛ НЬЮС” МЭДЭЭЛЛИЙН ТӨВ-д мэдээлэл хийнэ.
- 11:30 цагт: Хөгжлийн бэрхшээлтэй иргэдийн төрийн бус байгууллагууд харааны, сонсголын бэрхшээлтэй иргэдэд тулгамдаж байгаа асуудал болон нийгэмд эзлэх байр суурийн талаар “ҮНДЭСНИЙ МЭДЭЭЛЛИЙН ТӨВ”-д хэвлэлийн хурал зохион байгуулна.
- 14:00 цагт: Үндсэн хууль зөрчсөн гэх үндэслэлээр маргаан үүсгэх гомдол гаргаж буй талаараа УИХ-ын гишүүн асан О.Баасанхүү ҮХЦ-ийн үүдэнд мэдээлэл хийнэ.
Энэ өдөр дэлхийн түүхэнд:
- Өнөөдөр бол Гэр оронгүй хүмүүсийн эрхийг хамгаалах дэлхийн өдөр.
- өнөөдөр Сэтгэцийн эрүүл мэндийн дэлхийн өдөр тохиож байна.
- 1979 оны энэ өдөр H.O.T. хамтлагын гишүүн Kangta мэндэлжээ.
- Мөн 1994 оны энэ өдөр "Мөрөөдлөөс ч илүү" киногоороо алдаршсан Miss A хамтлагийн дуучин, жүжигчин Bae Suzy мэндэлжээ.
- 1975 онд Папуа Шинэ Гвиней улс НҮБ-д нэгджээ.
- 1970 онд Бүгд найрамдах Фижи улс бүгд найрамдах засаглалтай болжээ.
