Өнөөдөр гадаа 23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 189 дахь өдөр бөгөөд он дуустал 176 хоног үлдлээ.
- Цаг агаар өдөртөө 23 хэмийн дулаан бол шөнөдөө 18 градус дулаан байх нь ээ. Мөн өдөртөө түр зуурын бороо орох юм байна.
- Билгийн тооллын XVII Жарны "Буян үйлдэгч" хэмээх Усан бар жилийн Зуны дунд улаан морь сарын 9. Сугар гараг. Салхины эх одтой, гурван хөх мэнгэтэй хар нохой өдөр. Өдрийн наран 5 цаг 02 минутад мандан, 20 цаг 52 минутад жаргана. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин өчүүхэн ирнэ хэмээжээ.
- Манай улсын голлох валют болох ам.долларын ханш авах нь 3165.00, зарах нь 3170.00 төгрөгтэй тэнцэж байгаа бол бусад валют болох рубль авах нь 48.00, зарах нь 51.00, харин юань авах нь 471.00, зарах нь 474.00 вон авах нь 2.40, зарах нь 2.43 төгрөг байна.
Өнөөдөр болох онцлох үйл явдлууд:
- 9.00 цагт Төрийн ордонд "Нэр томьёо ба шинжлэх ухаан, технологийн хөгжил" олон улсын эрдэм шинжилгээний хурал болно.
- 10.00 цагт Герман-Монголын МСҮТ-д олон улсад хүлээн зөвшөөрөгдсөн мэргэжлийн боловсрол, сургалтыг хөгжүүлэх, ур чадвартай боловсон хүчин бэлтгэх ISO 9606 стандартын дагуу суралцсан Гагнуурын сургагч “Мастер” багш нарт сертификат гардуулна. Утас: 80079748, 86076229
- 10.00 цагт МҮИС-ын гадна талбайд тус сургууль хууль бусаар зөвшөөрөлгүй барилга барьж, иргэдийн эрүүл аюулгүй амьдрах эрхэд ноцтойгоор халдаж байгаа талаар оршин суугчид, Баянгол дүүргийн ИТХ-ын төлөөлөгч Ү.Амартүвшин хэвлэлийн хурал хийнэ. Утас: 98988809
- 11.00 цагт “Шангри-Ла” зочид буудалд “Xyyp Music Festival”-д оролцох олон улсын уран бүтээлчид Монголд уран бүтээлээ туурвих талаар мэдээлнэ. Утас: 97026767
- 11.30 цагт Хангарди ордонд Нийслэлийн Онцгой байдлын газар, Нийслэлийн Цагдаагийн удирдах газар, Нийслэлийн Эрүүл мэндийн газраас Үндэсний их баяр наадмын амралтын өдрүүдэд гарч болзошгүй эрсдэлээс урьдчилан сэргийлэх талаар мэдээлнэ.
- 11.40 цагт Монголын үндэсний музейд “МОНГОЛ НААДАМ” үзэсгэлэнгийн нээлт болно. Утас: 70110911, 70110913
- 12.00 цагт Г.Занабазарын нэрэмжит дүрслэх урлагийн музейд “Соёлын наадам”-ын хэвлэлийн хурал болно. Утас: 97002707
- 12.00 цагт Хангарди ордонд нийслэлийн Аялал жуулчлалын газар, Соёл урлагийн их сургуулиас "Дээлтэй Монгол" наадмын талаар мэдээлнэ.
Энэ өдөр дэлхийн түүхэнд:
- 1994 оны энэ өдөр БНАСАУ-ын анхны удирдагч Ким Ир Сен таалал төгсчээ.
- 1994 онд Ким Ир Сен таалал төгссөний дараа түүний хүү Ким Чен Ир түүний орыг залгамжилж, Хойд Солонгосын удирдагч болсон байна.
- 1948 онд АНУ-ын агаарын хүчин анхны эмэгтэй дадлагажигчтай болжээ.
- 1889 онд АНУ-ын "The Wall Street Journal" сэтгүүлийн анхны дугаар хэвлэгджээ
