Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 188 дахь өдөр бөгөөд он дуусахад 177 хоног үлдлээ.
- Цаг агаар өдөртөө 20 хэмийн дулаан бол шөнөдөө 10 градус дулаан байна. Мөн өдөртөө үүлшиж, дуу цахилгаантай бороо орно.
- Билгийн тооллын 8. Бархасвавь гараг. Тэргүүн дагуул одтой, цагаанчин тахиа өдөр. Өдрийн наран 05 цаг 01 минутад мандан, 20 цаг 53 минутад жаргана. Тухайн өдөр могой жилтнээ аливаа үйлийг хийхэд эерэг сайн ба нохой, хонь, үхэр, луу жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад сайн, нас уртасна хэмээжээ.
- Манай улсын голлох валют болох ам.долларын авах ханш 3173.00, зарах нь 3180.00, төгрөгтэй тэнцэж байгаа бол бусад валют болох рубль авах нь 48.50, зарах нь 52.00 юань авах нь 472.00, зарах нь 475.00, вон авах 2.38, зарах нь 2.42 төгрөг байна
Өнөөдөр болох онцлох үйл явдлууд:
- 11.00 цагаас Нийслэлийн цагдаагийн газрын байранд Үндэсний их баяр наадмыг зохион байгуулах хорооны Хэвлэл мэдээлэл, сурталчилгааны салбар хорооноос мэдээлэл хийнэ.
- 11.00 болон 12.30 цагаас Улсын Ерөнхийлөгч У.Хүрэлсүх төрийн дээд цол, одон, медаль гардуулна.
Энэ өдөр дэлхийн түүхэнд:
- Өнөөдөр бол Дэлхийн Шоколадны өдөр.
- 1978 онд Соломоны арлууд Их Британиас салан тусгаарлаж, тусгаар тогтнолоо олж авчээ.
- 1980 онд Иранд анхны Шариатын байгууллага бий болжээ.
- 2007 онд "Live Earth" хэмээх буяны тоглолт болжээ.
- 1985 онд Дэлхийн номер 1 теннисчин Boris Becker Теннисны дэлхийн аварга шалгаруулах тэмцээнд түрүүлсэн хамгийн залуу тоглогч болсон бөгөөд тэр үед 17 настай байсан байна.
