Долдугаар сарын 06-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 187 дахь өдөр бөгөөд он дуусахад 178 хоног үлдлээ.
- Цаг агаар нийслэлд өдөртөө 27 хэмийн дулаан бол шөнөдөө 14 градус дулаан байх нь ээ. Өдөртөө аадар бороо орно.
-
Билгийн тооллын XVII Жарны "Буян үйлдэгч" хэмээх Усан бар жилийн Зуны дунд улаан морь сарын 7. Буд гараг. Тугчин одтой, таван шар мэнгэтэй, цагаан бич өдөр. Өдрийн наран 5 цаг 00 минутад мандан, 20 цаг 53 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулбал хэл ам, хэрүүл тэмцэл ирнэ хэмээжээ.
-
Манай улсын голлох валют болох ам.долларын авах ханш 2850.00, зарах нь 2852.00, төгрөгтэй тэнцэж байгаа бол бусад валют болох рубль авах нь 38.50, зарах нь 39.50 юань авах нь 440.80, зарах нь 441.80, вон авах 2.50, зарах нь 2.51 төгрөг байна.
Өнөөдөр болох онцлох үйл явдлууд:
- 9.00 цагт Үндэсний цэцэрлэгт хүрээлэнд “Дэлхийн Монголчуудын төгөл” төслийн шав тавих ёслол болно. Утас: 80039328
- 10.00 цагт БХБЯ-нд тус яамны удирдлагууд төсөвт өртөг нь нэмэгдсэн барилгуудын магадлалын талаар болон цаг үеийн асуудлаар хэвлэлийн хурал хийнэ.
- 10.00 цагт Улсын Ерөнхий прокурорын газарт прокурорын байгууллагаас хүний эрх, эрх чөлөө, нийтийн ашиг сонирхлыг хамгаалах, байгууллагын үйлчилгээг иргэдэд шуурхай, чирэгдэлгүй хүргэх чиглэлээр хийсэн онцлох ажил болон Нийслэлийн прокурорын газраас хяналт тавьсан зарим гэмт хэргийн шийдвэрлэлт, явц байдлын талаар мэдээлнэ. Утас: 90101020
- 10.30 цагт "Хэвлэлийн хүрээлэн"-нд Хэнтий аймгийн малчид, малын эмч нар махны экспортыг зогсоосноор малын түүхий эд, малчны хөдөлмөр үнэгүйдэж байгаа талаар мэдээлнэ.
- 11.00 цагт МҮЭХ-ны 313 тоотод Ардчилсан намд сүүлийн 2 жил өрнөсөн үйл явдал, эв нэгдлийг хангах талаар АН-ын залуус хэвлэлийн хурал хийнэ.
Энэ өдөр дэлхийн түүхэнд:
- 1960 оны энэ өдөр сүмогийн 63 дахь ёкозүна Асахифүжи Сэйя мэндэлжээ.
- Өнөөдөр Перу улсад Багш нарын баяр тохиож байна.
- Өнөөдөр АНУ-ын Үндэсний шарсан тахианы өдөр юм байна.
- 1975 оны энэ өдөр АНУ-ын реппер, жүжигчин 50Cent мэндэлжээ.
- 2013 онд Канадын Lac-Mйgantic, Quebec хотод газрын тос ачиж явсан машин галт тэрэгтэй мөргөлдөж, гал дүрэлзсэний улмаас 47 орчим хүн нас барж, хотын төв хэсгийн 30 орчим барилга нурсан байна.
