Өнөөдрийн тухай таны мэдэх ёстой 13 зүйл: Үс шинээр үргээлгэх буюу засуулбал эд, мал арвидна

Өнөөдөр гадаа 29 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Долдугаар сарын 04-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 185 дахь өдөр бөгөөд он дуусахад 180 хоног үлдлээ.
2. Цаг агаар өдөртөө 23 хэмийн дулаан бол шөнөдөө 13 градус дулаан байх нь ээ. 
3. Билгийн тооллын XVII Жарны "Буян үйлдэгч" хэмээх Усан бар жилийн Зуны дунд улаан морь сарын 5. Сумъяа гараг. Бага морь одтой, долоон улаан мэнгэтэй, шар морь өдөр. Өдрийн наран 4 цаг 59 минутад мандан, 20 цаг 54 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойд зүгт мөрөө гаргавал зохистой. Модон хохимой, Тэрсүүд өдөр. Үс шинээр үргээлгэх буюу засуулбал эд, мал арвидна хэмээжээ.  
4. Манай улсын голлох валют болох ам.долларын ханш авах нь 3148.00, зарах нь 3153.00 төгрөгтэй тэнцэж байгаа бол бусад валют болох рубль авах нь 53.50, зарах нь 53.80, харин юань авах нь 472.00, зарах нь 474.00 вон авах нь 2.42, зарах нь 2.45 төгрөг байна.

Өнөөдөр болох онцлох үйл явдлууд: 

1. 9.00 цагт ГХЯ-нд “Хилийн чанад дахь монголчуудын зөвлөл" нийгэмд үйлчлэх ТББ-ын IV чуулган болно.
2. 11.00 цагт ЦССШТ-д "Сар бүрийн 3-Цусаа бэлэглэх өдөр"-ийг тэмдэглэнэ.
3. 15.30 цагт БШУЯ-нд КОЙКА-гаас боловсролын салбарт 60 гаруй тэрбум төгрөгийн буцалтгүй тусламжаар хэрэгжүүлэх 5 төслийн санамж бичигт гарын үсэг зурна

Энэ өдөр дэлхийн түүхэнд:  

1. 1776 онд Америкийн удирдагч Жорж Вашингтон Тусгаар тогтнолын бичиг баримтад гарын үсэг зурсан байна. Үүнээс хойш АНУ-ын тусгаар тогтнолын өдөр хэмээн тэмдэглэдэг болжээ.

2. 1829 онд Англид нийтийн тээврийн үйлчилгээнд анх удаа Автобус үйлчилж эхэлсэн байна.

3. 1848 онд Карл Маркс болон Фридрих Энгельс нар Коммунист Манифестогоо хэвлүүлж байжээ.

4. 1884 онд Францын ард түмэн Америкийн ард түмэнд Эрх чөлөөний хөшөөг бэлэглэсэн байна.

5. 1906 онд Их Британи, Франц болон Итали улсууд нь албан ёсоор Эфиопийн Бүгд Найрамдах Улсыг хүлээн зөвшөөрсөн байна.

6. 1946 онд Филипины арлууд энэ өдөр АНУ-аас тусгаар тогтнолоо олж авсан байна.